წინასწარი მონაცემებით, აშშ-ის კონგრესის შუალედურ არჩევნებში რესპუბლიკელები ლიდერობენ

შეერთებულ შტატებში საარჩევნო უბნები დახურულია. ქვეყანაში ხმების დათვლის პროცესი მიმდინარეობს.

წინასწარი მონაცემებით, სენატში 46 ადგილს რესპუბლიკელები ფლობენ, ასევე 46 ადგილი აქვთ ბოლო მონაცემებით დემოკრატებსაც. წარმომადგენლობით პალატაში რესპუბლიკელებს 185, ხოლო დემოკრატებს 158 ადგილი აქვთ.

იმისთვის, რომ პარტიამ პალატაზე კონტროლი მოიპოვოს 218 მანდატია საჭირო.

ცნობისთვის, აშშ-ში კონგრესის შუალედური არჩევნები ჩატარდა. აშშ-ის მოქალაქეები აირჩევენ 435-წევრიან წარმომადგენელთა პალატის სრულ შემადგენლობას და სენატის 35 წევრს. გარდა ამისა, 36 შტატში გუბერნატორებს აირჩევენ.