ყოფილი პარლამენტარი, დავით ზურაბიშვილი:
„ტროლი ტროლიო რომ ვიძახით, ამ ტროლების უკან ხომ რეალური ადამიანები დგანან? ადამიანები, რომლებიც ხელფასს იღებენ ვიღაცის გინებაში? წარმოიდგინეთ სამსახური, როდესაც ზიხარ კომპთან ან სმარტფონთან და ამ დროს მოგდის მესიჯი: “სასწრაფოდ შევდივართ პეტრე ივანიძის კედელზე და ვაგინებთ დედისტრაკს!” ან ივანე პეტრიაშვილის სტატუსს ვაჰაჰავებთ და კომენტარებში ვახსენებთ მის კეთილებს” ან “ვუვარდებით სავლე პავლიაშვილს ინბოქსში, დავცინით და ვეძახით სირს!” და ა.შ და ა.შ. ზიხარ ყოველდღე და ელი ინსტრუქციას, თუ ვის რა აგინო, ვის რა წამოაძახო, ვის რა დააბრალო. მართლა რა დონის არარაობა უნდა იყო რომ ასეთ სამუშაოს დათანხმდე როგორც არ უნდა გიჭირდეს?
ამ ხელისუფლების ერთ-ერთი დიდი და უპატიებელი დანაშაული არის ადამიანების ასეთი მორალური დეგრადაციის პირდაპირი ორგანიზება და დაფინანსება, რომელიც, ვფიქრობ არ უნდა იქნეს მიჩუმათებული და მიფუჩეჩებული ხელისუფლების ცვლილების შემდეგ. ოდესღაც ხომ მოხდება ხელისუფლების ცვლილება? ჰოდა, აქვე მაქვს რამდენიმე წინადადება, რომელიც, ჩემი მოკრძალებული აზრით, მომავალ ხელისუფლებას აუცილებლად უნდა მოეთხოვოს. კერძოდ:
ა) ქვეყანა უნდა იცნობდეს თავის ნაძირლებს! ორგანიზებულ ტროლიზმში მონაწილეთა სახელები და გვარები უნდა გახდეს ცნობილი და საჯარო.
ბ) გამოვლენილ ტროლებს სიცოცხლის ბოლომდე უნდა აეკრძალოთ საჯარო სამსახურებში მუშაობა და ჩამოერთვათ როგორც აქტიური, ისე პასიური საარჩევნო უფლება.
გ) ორგანიზებული ტროლიზმი, იქნება ეს სახელისუფლო, ოპოზიციური თუ არაფერი პირადული მხოლოდ ბიზნესი, უნდა გახდეს სისხლის სამართლის წესით დასჯადი. სასჯელი უნდა ეხებოდეს როგორც ორგანიზატორებს, ისე შემსრულებლებს.
თუ ასე არ მოხდა და ახალმა ხელისუფლებამ ისევე გადაიბარა ტროლარმიის რესურსი ძველისგან, როგორც ქოცებმა ნაცების სასამართლო სისტემა, ამ უბედურებას თავს კიდევ კარგა ხანს ვერ დავაღწევთ.
P. S. ახლა ამ სტატუსზე რომ ტროლები შემომივარდნენ, ცოტა ირონიულ-კომიკური კი იქნება, მაგრამ მაინც ვაფრთხილებ ყველას, რომ შემოვარდნის შემთხვევაში გაუფრთხილებლად წაიშლებიან და გამეორების შემთხვევაში დაიბლოკებიან. ტროლთან გათანაბრებულ პირებსაც ეხებათ ეს, სხვათა შორის.“
კომენტარები