ეს კინო ჩვენ უკვე ნანახი გვაქვს, როდესაც ხდება რამდენიმე დაინტერესებული ჯგუფის მხრიდან პარტიული პოლიტიკის გატარება,- ამის შესახებ პარლამენტის თავმჯდომარე შალვა პაპუაშვილმა ასოცირების შეთანხმების შესრულების ანგარიშის სამუშაო ვერსიაში შეტანილი შესწორების კომენტირებისას განაცხადა.
„მთავარი აქ არის ერთი რამ და ეს დასტური ჩვენ გვაქვს ევროკავშირის შესაბამისი სტრუქტურების მხრიდან: ევროპარლამენტი არ არის ის სტრუქტურა, რომელიც შეაფასებს საქართველოს წინსვლას – ვინც შეაფასებს საქართველოს, ეს არის ევროპული კავშირის კომისია“, – განაცხადა პაპუაშვილმა.
საქართველოს მიერ ევროკავშირის ასოცირების შეთანხმების შესრულების წლიურ ანგარიშს ბრიუსელში, საგარეო კომიტეტი დღეს განიხილავს. ანგარიშის თავდაპირველ ვერსიაში, რომელიც სვენ მიქსერის ავტორობით მომზადდა, „ნაციონალური მოძრაობის” ლობისტების მიერ გუშინ გარკვეული შესწორებები გაჩნდა.
ცვლილებების ავტორებს შორის ანდრიუს კუბილიუსი, ანა ფოტიგა და რასა იუკნევიჩიენე მიხეილ სააკაშვილის გათავისუფლებას და პუნქტში, სადაც ოლიგარქიაზე არის საუბარი კონკრეტული სახელის და გვარის – ბიძინა ივანიშვილის ჩაწერას ითხოვენ. ასევე, ანგარიშში კეზერაშვილი და გვარამია მედია მენეჯერებად არიან ნახსენები, რომელთა წინააღმდეგ ხელიუსფლების მიერ ზეწოლა ხორციელდება.
კომენტარები