ლევან ჯავახიშვილი
„ალიას“ ესაუბრება ეკონომიკის დოქტორი, პროფესორი, ოთო აბესაძე.
– დოლართან მიმართებაში ევრო რეკორდულად გაუფასურდა, ასევე, ყველა სხვა ქვეყნის ვალუტა გაუფასურდა დოლართან მიმართებაში და მარტო ქართული ლარი გამყარდა. რაღაც ანომალიური ვითარება შეიქმნა. რატომ მოხდა ასე? ხელოვნურად გამყარდა ლარი?
– რაღაც მონეტარულ თამაშებთან გვაქვს საქმე. ეს დროებით გამყარებული ლარი არის თავისთავად ხელოვნური ჩარევის შედეგი და საბოლოო ჯამში მივიღებთ იმას, რომ ბუნებრივ მცურავ რეჟიმს რომ დაუბრუნდება ლარი სხვა და სხვა ვალუტებთან მიმართებაში, მკვეთრად გაუფასურდება. ეს არის ძალიან სამწუხარო.
– ხელოვნურად ჩარევა უფრო რომ დაგვიკონკრეტეთ?
– ჩვენ გვახსოვს, რომ ლარი მიდიოდა გამყარებისკენ, თუმცა ეროვნულმა ბანკმა ამოიღო 10 მილიონი დოლარი ეკონომიკური მიმოქცევიდან. ამან თავისთავად შეაჩერა ლარის ბუნებრივი გამყარება და პირიქით, გააუფასურა. თუმცა. შემდეგ კვლავ წამოვიდა ლარის სიმყარე, რადგან ეროვნული ბანკი მაქსიმალურად „აწვება“რეფინანსირების განაკვეთს ანუ მოსახლეობიდან იღებენ ჭარბი ფულის რაოდენობის ლარს. ეს თავისთავად იწვევს ლარის გამყარებას. ამას დაემთხვა ტურისტული სეზონიც და ახლა ლარში შემოსავლებიც მეტია. თუმცა, დასრულდება ზაფხული და შემოდგომით, ვპროგნოზირებ ლარის გაუფასურებას.
– სავარაუდოდ, რამდენად?
– ერთ დოლარი სამ ლარზე მეტი ეღირება, სამ ლარს გადასცილდება.
კომენტარები