მსოფლიოში ყველაზე ასაკოვანი გიგანტური მამრი პანდა ან ანი გარდაიცვალა. ამის შესახებ BBC წერს.
ის 35 წლის იყო.
„ან ანი ჩვენი ოჯახის შეუცვლელი წევრი იყო და პარკის განუყოფელი ნაწილი გახდა.
მან ძლიერი მეგობრობა დაამყარა, როგორც ადგილობრივებთან, ასევე ტურისტებთან. „ოუშენ პარკი“ მისი დაკარგვის გამო მწუხარებას გამოთქვამს“, – აღნიშნულია პარკის მიერ გავრცელებულ განცხადებაში.
ან ანი თავის მეგობარ ჯია ჯიასთან ერთად 1999 წელს ჩინეთის ცენტრალურმა მთავრობამ ჰონკ კონგს აჩუქა.
ის არაერთხელ ყოფილა მედიის ყურადღების ცენტრში.
ჰონგ-კონგში, თემატურ პარკში ცხოვრობდა. მისი ჯანმრთელობის მდგომარეობა ბოლო რამდენიმე კვირის განმავლობაში გაუარესდა. ან ანი საკვების მცირე რაოდენობას მოიხმარდა, ბოლოს კი ჭამა საერთოდ შეწყვიტა.
ვეტერინარების თქმით, პანდის სიცოცხლის 35 წელი, ადამიანის 105 წლის ეკვივალენტია.
კომენტარები