ჟურნალისტი თაკო მათეშვილი სოციალურ ქსელში წერს:
,,ერთხელ ამათთვის უნდა დავთვრე
აფთიაქში:
ვკითხულობ ორლარნახევრიან წამალს.
ფარმაცევტი: ეგ არ გვაქვს, მაგრამ მაგის შემცვლელი გვაქვს, ტაჯიკური ფირმის, ძაან კარგია და127 ლარი ღირს. გნებააავთ?
მაღაზიაში:
– სამი ლარის ორცხობილა ამიწონეთ.
– 19 ლარისაა და იყოს?
ბანკში:
– ბარათის გაუქმება და ანგარიშის დახურვა მინდა.
– კარგით, დაგვჭირდება თქვენი პირადობა, პასპორტი, დაბადების მოწმობა, ქორწინების მოწმობა, ნასამართლეობის ცნობა, სკოლის ატესტატი, ბანკეტის ფოტოალბომი, უნივერსიტეტის ორი დიპლომი, ინგლისურის ცოდნის დამადასტურებელი B2 დონის სერტიფიკატი, ოჯახის ყველა წევრის, ორი მეზობლისა და რამდენიმე სისხლით ნათესავის თანხმობა, სამსახურის უშუალო უფროსისა და მთელი დეპარტამენტის წერილობითი დასტური, ამონაწერი საჯარო რეესტრიდან, რეკომენდაცია თქვენი პირველი დამსაქმებლისგან, ეროვნული ბანკის პრეზიდენტის ბეჭედი და შარლ მიშელის ხელმოწერა.
მარშუტკაში:
– ზოოპარკთან გაივლით?
– ნახალოვკაში გავივლი და იქიდან გადაირბენ, რა.
ყიდვა-გაყიდვის ჯგუფებში:
– წითელი კაბა დამიდეთ, მუხლამდე სიგრძის.
– შავი ელასტიკი/ლურჯი მაისური/ კოპლებიანი ჩანთა/ყვითელი შორტი/ეივონის პროდუქცია/სტამბულის თეთრეული/მაისის თაფლი/ვარკეთილში ოთახნახევრიანი მაქვს და დაგიდეეეფ <3
ქალების ჯგუფებში:
– გოგოებო, ჩემი ქმარი მამწარებს. ყოველ დღე მაგინებს, მღალატობს, ზოგჯერ ღამე ქუჩაში მაგდებს, თან არ მუშაობს, სვამს, ხელფასს მართმევს და თამაშობს, სულ ბირჟაზე დგას და ბავშვი რაც დაიბადა, მას მერე ხელში არ აუყვანია. რას მირჩევთ, როგორ მოვიქცე? ოღონდ დაშორება არ მირჩიოთ, ძალიან გვიყვარს ერთმანეთი!
სამედიცინო ჯგუფებში:
– გოგოებო, 17 წელია მტკივა კუჭი, ისე, რომ საჭმელი არ მიჭამია ბოლო 7-8 წელი იქნება. ახლა ღვიძლიც ჩაითრია და თირკმელსაც გადასცემს ტკივილს. სუნთქვაც მიჭირს, ვერც ხელებს ვამოძრავებ ხეირიანად და მარცხენა თვალიდანაც ვეღარ ვიყურები. ექიმთან წადიო, არ მითხრათ, რაიმე შინაურული მასწავლეთ, რა დავლიო?
თინეიჯერების ჯგუფებში:
– აუუუუ, შეყვარებული ვნახე 4 თვის წინ. კაფეში ნაყინი ვჭამეთ და ხელი-ხელ ჩაკიდებულები გამოვედით. დამშვიდობებისას ლოყაზეც მაკოცა და ორსულად ხომ არ ვიქნებიიიი, გთხოოოვთ, დამამშვიდეეეეეეეთ?
ცხოველების მოყვარულთა ჯგუფებში:
– ჩემმა უსაყვარლესმა ცუგამ ორი მეზობელი შეჭამა, სამს კიდურები მოაგლიჯა და თორმეტიოდე აპარატზეა შეერთებული. ეტყობა აურა აქვთ ბინძური და იგრძნო ძაღლმა, რას გამოაპარებ. კიდე აქეთ მემდურებიან, ზოგი რა ბოროტიააააა?
სასოწარკვეთილების ჯგუფში:
– ასოცდამეთოთხმეტედ გამოვიძახე საშაურმე „რითვერგასკდაშენიმუცელიდან“ შაურმა და ისევ აკლია წიწაკა. აი, პროსტა, რა გახდააააა??? მეორედ აღარ შევცდები!
რემონტის ჯგუფში:
– 15 კვადრატულ ფართში როგორ გადავანაწილო ოთახები ისე, რომ კაი მოზრდილი მისაღები გამომივიდეს, სამზარეულო ცალკე (ოთახში რო საჭმლის სუნი დგება, არშემილია), სამი საძინებელი, აბაზანა და საკუჭნაოსთვისაც დამრჩეს ადგილი???
ველური ბუნების ჯგუფში:
– ეს რა გველია? სამზარეულოში შემომიძვრა და შხამიანია?
-უსაყვარლესი პითონია. არაფერს დაგიშავებს, იმედია რძე დაალევინე, დუდუკზე დაუკარი და მისთვის ბუნებრივ გარემო პირობებში გაუშვი, ისე, რომ არ დაგისტრესავს!
ჯანსაღი კვების ჯგუფში:
– 18 გრამ ავოკადოს რამდენი კალორია აქვს? 23 გრამ სტაფილოზე ბევრად მეტი ექნება?
აბიტურიენტების ჯგუფში:
– ჩაწყობილია ყველაფერი!
ავეჯის ჯგუფებში:
– ოჯახიდან იყიდება გასაშლელი მდივანი.
ორსულების ჯგუფში:
– 30 კვირის ორსულები დამენახეეეეეთ ❤️
დედების ჯგუფში:
– დედიკოებო, აბა ამ პამპერსის ფოტოს შეხედეთ, კაი ფერზე გავიდა??
სერიალების ჯგუფში:
– რას ერჩით ჩცდ-ს სოსოს, ვერ გავიგე, ტყუის რამეში???
გლდანის ჯგუფში:
– @კოტე ზარნაძე მტრედებმა ისევ ჩემს სარეცხს დაასკინტლეს, იქნებ ამ პრობლემასაც მიხედოთ!
სამეგობროს ჯგუფში:
– რა ვქნა, შევხვდე თუ სამუდამოდ დავიკიდო???”
კომენტარები