„ამოწყდეს მაგის შემქმნელი და გამომშვები…“ – გიორგი ფხაკაძემ კოვიდი გადაიტანა

ჯანდაცვის ექსპერტი გიორგი ფხაკაძე, რომელიც ამჯერად საფრანგეთში იმყოფება, ლაივ-ჩართვაში ამბობს, რომ კოვიდი გადაიტანა.

„ამოწყდეს კოვიდის შემქმნელი და გამომშვები…“ – ამბობს ფხაკაძე.

როგორც ყვება, დასველდა, გაცივდა, სამი დღე ავად იყო და ახლობლებმა წამლები მოუტანა. „ასპირინი მომიტანა და კოვიდი მოაყოლა“, – ყვება გიორგი ფხაკაძე.

„სამი დღის შემდეგ, რაღაც მოთენთილობა ვიგრძენი… სხვანაირად ვიყავი. ვინც ასპირინი მომიტანა, იმან დამირეკა, ვერ ვარ კარგადო და სასწრაფოდ ტესტი გაიკეთე მეთქი და კოვიდი დაუდასტურდა… გავქანდი მეც და ანტიგენ ტესტმა პოზიტიური ამომიგდო. პისირიც გავიკეთე და ლაბორატორიულად დამიდასტურდა… ორი წელი ვინახე თავი და ერთმა ასპირინმა რა მიქნა“ – ამბობს ფხაკაძე. ის სამჯერ აცრილია და როგორც ამბობს, გაციება უფრო რთულად გადაიტანა, ვიდრე კოვიდი.

„როგორც წესია, ვიყავი იზოლაციაში, არავინ მინახავს… ძალიან მსუბუქად გადავიტანე. კიდევ ერთხელ ვამბობ, არავითარი სეზონური გაციება არ არის, თუ სიმპტომები გაქვთ, კვლევა ჩაიტარეთ“ – ამბობს გიორგი ფხაკაძე, – „რაც მთავარია, ვისთანაც კონტაქტი მქონდა, არავის გადადებია ჩემზე და ამაზე ძალიან ვნერვიულობდი და გამიხარდა“