ბრიტანეთის პრემიერმინისტრის, ბორის ჯონსონის განცხადებით, უკრაინის საკითხზე სამშვიდობო მოლაპარაკებები, დიდი ალბათობით, წარუმატებელი იქნება, რადგან ვლადიმერ პუტინთან მოლაპარაკებები ნიანგთან ურთიერთობას ჰგავს.
“ძალიან რთულია იმის წარმოდგენა, როგორ შეეძლებათ უკრაინელებს პუტინთან მოლაპარაკებები, მისი კეთილსინდისიერების აშკარა ნაკლებობის გათვალისწინებით […] როგორ შეძლებ ნიანგთან მოლაპარაკებას, როცა მას შენი ერთი ფეხი ყბაში აქვს? ეს ის სირთულეა, რის პირისპირაც უკრაინა დგას. ჩვენ სტრატეგია უნდა გავაგრძელოთ და ისინი შეიარაღებით მოვამარაგოთ”, — განაცხადა მან.
ჯონსონმა 19 აპრილს განაცხადა, რომ რუსეთის ომი უკრაინაში “საარტილერიო კონფლიქტად” გადაიქცევა, ამიტომ ბრიტანეთი უკრაინის დახმარებას გააძლიერებს.
საარტილერიო დახმარების გაზრდაზე კომენტარი გააკეთა აშშ-ის პრეზიდენტმა, ჯო ბაიდენმაც. ჟურნალისტების კითხვაზე, მიაწვდის თუ არა აშშ უკრაინას მეტ არტილერიას, ბაიდენმა დადებითი პასუხი გასცა.
კომენტარები