“ოკუპანტები არასრულწლოვან უკრაინელ ბავშვებს იყენებენ ჩვენი ჯარების განლაგების ადგილების დასაზვერავად” – არტიომ დეხტიარენკო

ოკუპანტები უკრაინული არმიის პოზიციების დასადგენად უკრაინელ ბავშვებს იყენებენ- ინფორმაციას, უკრაინის უსაფრთხოების სამსახური ავრცელებს და აცხადებს, რომ მტერი არასრულწლოვან ბავშვებს ინფორმაციის სანაცვლოდ თანხას სთავაზობს. არტიომ დეხტიარენკო მშობლებს, შვილების ტელეფონებისა და მინაწერების კონტროლისკენ მოუწოდებს და რუსების მხრიდან მოსალოდნელი საფრთხეების შესახებ აფრთხილებს: 

“რუსი ოკუპანტები არასრულწლოვან უკრაინელ ბავშვებს იყენებენ ჩვენი ჯარების განლაგების ადგილების დასაზვერავად. მოგმართავთ მშობლებს, მაქსიმალურად გააკონტროლეთ თქვენი შვილების მობილური ტელეფონები და მინაწერები. ამასთან მათი კონტაქტები. მტერს არანაირი მორალი არ გააჩნია, ამიტომ ბავშვებს თავისი სისხლიანი გეგმის შესასრულებლად იყენებს. ხარკოვში ოკუპანტები ტელეგრამის გამოყენებით, არასრულწლოვანს დაუკავშირდნენ და ინფორმაციის მიწოდების სანაცვლოდ ფულად ჯილდოს დაპირდნენ. ლუგანსკში კი 16 წლის ბიჭს პირადად დაავალეს უკრაინული რაზმების განთავსების ადგილზე ინფორმაციის მოწოდება, ამ შემთხვევაშიც ოკუპანტები ბავშვს ფულის მიცემას დაპირდნენ. თან გააფრთხილეს რომ არ შეშინებოდა, რადგან უკრაინელები ბავშვს არაფერს დაუშავებდნენ. მოუწოდებთ მშობლებს, მაქსიმალურად გააკონტროლეთ თქვენი შვილები. მომავალში შესაძლებელია კატასტროფული შედეგები დადგეს, რადგან მტერმა ბავშვები შესაძლოა ტერაქტების ან დივერსიების მოსაწყობად გამოიყენოს.”