“ნაციონალური მოძრაობა ქოლგა პარტია დანარჩენებისთვის”- გიგი უგულავა ოპოზიციის ახალი გაერთიანების შექმნას აანონსებს. ოპოზიციონერი ფიქრობს, რომ ყველა პარტია “ნაციონალური მოძრაობის” ირგვლივ უნდა გაერთიანდეს, თუმცა ყველაზე დიდ პარტიაში საკუთარი პოლიტიკური იდენტობა არ უდნა დაკარგონ.
“გაერთიანება ერთადერთი შანსია, დაქსაქსულ ოპოზიციას ხელისუფლების შეცვლა არ შეუძლია”- ფიქრობს უგულავა.
“ნაციონალური მოძრაობა არის იდეა, რომელიც მემკვიდრეა ეროვნული მოძრაობის ხაზის, რომელიც ებრძვის საბჭოურ გადმონაშთს, „ქართულ ოცნებას“. ის არის დიდი, ქოლგა პარტია, სადაც რამდენიმე ფრაქცია არსებობს. რომლებიც ერთმანეთთან კონკურენციაში არიან და ეს კონკურენცია საჯარო და ღიაა. ეს რეფორმა ნაციონალურ მოძრაობას კიდევ უფრო მეტ ამომრჩეველს და ბევრ პოლიტიკურად აქტიურ ადამიანებს მოუტანს. ისეთებს, ვისაც ნამდვილად უნდა, საბჭოთა კავშირი უკან დავტოვოთ”- თქვა უგულავამ “ტვ პირველთან”.
კომენტარები