არასამთავრობო ოპრგანიზაცია “თავისუფალ ჟურნალისტთა სახლის” ხელმძღვანელი, ასლან ჭანიძე, არასრულწლოვან შშმ პირზე პოლიციელების მხრიდან ფიზიკური ძალადობის ფაქტს ეხმაურება.
“დემოკრატიულ ქვეყანაში შსს მინისტრი დადგებოდა და ბოდიშს მოიხდიდა. პოლიციელების მხრიდან ძალადობის გახშირებული ფაქტების გამო განცხადებას გააკეთებდა გადადგომის თაობაზე. მაგრამ ეს დემოკრატიულ ქვეყანაში.
საქართველოში მოხდება შემდეგი რამ, სამი ოთხი დღე (კარგ შემთხვევაში) იქნება აღშფოთებული საზოგადოება და შემდეგ გააგრძელებს ჩვეულებრივ რიტმში ცხოვრებას. რადგან ჩვენ ერთჯერადი ემოციებით, ჰეშტეგებით მივეჩვიეთ ცხოვრებას. და ნუ გაკვირდებათ ხვალ ეს პოლიციელი ქუჩაში მოსეირნე დაინახოთ. რადგან ჩვენ საზოგადოებაში ყრუ-მუნჯების რაოდენობა კატასტროფულად იზრდება.
ის ბავშვი კი ყრუ, სმენის არმქონე ადამიანია, და არა ყრუ-მუნჯი – ყველაფერს ხდება და უფრო განიცდის ტკივილს, ვიდრე ჩვენ… რადგან დაამცირა ფორმაში გამოწყობილმა მოძალადემ. ხოლო მეორე მოძალადემ, ასევე ფორმაში გამოწყობილმა, ხელის გაუნძრევლად გაანადგურა, რადგან არ დაიცვა ბავშვი.
ყრუ-მუნჯებს ვურჩევ რეაგირება იქონიეთ, თორემ თქვენ რომ მოგხვდებათ თავში, არც სმენა დაქვეითებული დაგიცავთ არც სხვა მოსაუბრე და სმენის მქონე ადამიანი”,-წერს, ასლან ჭანიძე.
კომენტარები