,,ყოველ ახალ წელს ვცდილობდი სრული სიზუსტით გამეკეთებინა ის, რასაც გვეუბნებოდნენ“ – ნანუკა ჟორჟოლიანი

ჟურნალისტი ნანუკა ჟორჟოლიანი:

,,ყოველ ახალ წელს ვცდილობდი სრული სიზუსტით გამეკეთებინა ის, რასაც გვეუბნებოდნენ. მაგალითად, დედაჩემი მარწმუნებდა რომ მაგიდის გადასაფარებელი აუცილებლად უნდა ყოფილიყო თეთრი, ნაძვის ხეზე ახალი სათამაშო შემემატებინა, მაგიდაზე აუცილებლად დამედო წითელი ნივთი. სიმართლე გითხრათ ჩემთვის ეს დეტალები ახლა უფრო მნიშვნელოვანია, მაგრამ დარწმუნებული ვარ, ყველას თქვენი გაქვთ.

ახალი წელი გვაერთიანებს, ამ გაუგებარი სიმბოლიკებითაც კი. გარდა ამისა სიხარულის ემოციებით და მოლოდინით, რომ წელს აუცილებლად ყველაფერი უფრო კარგად იქნება, ვიდრე შარშან.

და ასეც იქნება. მთავარია ჩვენ გვჯეროდეს ამის და შემდეგ ყველაფერი გავაკეთოთ საკუთარი ბედნიერებისთვის.

გილოცავთ და მინდა ვისურვო, რომ ეს საერთო სიხარულის ემოცია, ბოლო წუთის ერთად ათვლა იყოს უფრო ხანგრძლივი, ვიდრე 60 წამია. არაფერი ისე არ გვჭირდება, როგორც ზიზღის და დაპირისპირების წარსულში დატოვება და მომავალში მხოლოდ ერთობა, ერთობა და ერთობა!”