რამდენ რამეს აკეთებენ ქურდები საქართველოში, აშენებენ, ხალხს ეხმარებიან – ფოთის ბაზრის დირექტორი

ფოთის ბაზრის დირექტორი ისევ ე.წ. კანონიერ ქურდებზე საუბრობს. როგორც ნოდარ კორსანტიამ “ტვ პირველს” განუცხადა, “ქურდები ხალხს” ეხმარებიან. 

ქურდები ჩვენი, ხალხის ნაწილია. ისინიც მოქალაქეები არიან და თავისი ცხოვრება აქვთ. იცით რა არის, მათ თავიანთი საქმე აქვთ. მთლად ასე არ არის როგორც ამბობენ, რამდენ საქმეს აკეთებენ საქართველოში. აშენებენ, ხალხს ეხმარებიან”- აცხადებს ფოთის ბაზრის დირექტორი, რომელსაც მოვაჭრეები ტერორში ადანაშაულებენ. 

ცნობისთვის, ნოდარ კორსანტიამ მოვაჭრეების უფლებების დაცვის მოთხოვნით მის კაბინეტში მისული ოპოზიციის წარმომადგენელი სცემა და დედაზე შეაგინა. აღსანიშნავია, რომ ფოთის პოლიციამ სისხლის სამართლის საქმე ნაცემი მამაკაცის წინააღმდეგ აღძრა. 

მეტიც კორსანტია ოპოზიციონერსა და მოვაჭრეებს “ქურდთან” საქმის გარჩევით დაემუქრა.