საზოგადოებრივი ჯანდაცვის ექსპერტი გიორგი ფხაკაძე სოციალურ ქსელში ანტივაქსერ ექიმებზე წერს.
მისი თქმით, “ექიმი, რომელიც არ აიცრა ან პაციენტს ურჩია, რომ არ აიცრას, მკვლელია”.
“ექიმი რომ ვაქცინას არ აღიარებს, “მეცნიერი” რომ ვაქცინას არ აღიარებს, საზოგადოება რომ უსმენს და უჯერებთ ამ ხალხს…
დამღლელია მაგრამ… დღეს ჩემი ახლობლების მეგობრები გარდაიცვალნენ…. იცით, რომ ორივეს ჩემი მეგობრები ეხვეწებოდნენ, აიცერი. პასუხი მიიღეს ფეისბუქის სტატუსით – “ჩემი ცხოვრებაა, თქვენს ცხოვრებას მიხედეთ”, “მე უკეთ ვიცი, რა არის კარგი”. რეანიმაციაში რომ შეჰყავდათ, ორივე ამბობდა – “არ მომკლათ, გადამარჩინეთ”.
მკვლელების სახელები ცნობილია და ყველამ ვიცით, დიახ, ვიცით, ვინ არიან ისინი!
ექიმი, რომელიც არ აიცრა, არის მკვლელი!
ექიმი, რომელმაც პაციენტს ურჩია, არ აიცრას, ის არის მკვლელი!
ექიმი, ვინც ამბობს, რომ “შენი იმუნიტეტი გიცავს”, “კოვიდ გადატანილებს ძლიერი იმუნიტეტი გაქვთ და არ აიცრათ”, არის მკვლელი!
რეიტინგის მონებზე აღარ ვსაუბრობ… თქვენც მალე ამოყოფთ თავს რეანიმაციული განყოფილებაში, მაგრამ მერე გვიან იქნება. იქაც თქვენს მიერ “დაპიარებული” აუცრელი ექიმი დაგხვდებათ და იმისგან დამატებით შტამს მიიღებთ.
ყველამ კარგად იცის, რა არის გასაკეთებელი!
არჩევნები მორჩა, მიხედეთ ქვეყანას!”, – წერს გიორგი ფხაკაძე სოციალურ ქსელში.
კომენტარები