ეროვნულ-დემოკრატიული პარტიის ლიდერი ბაჩუკი ქარდავა აცხადებს, რომ ივანიშვილის ხელისუფლებამ საქართველოში არჩევნები საბოლოოდ გააუქმა და ხელისუფლება მიიტაცა. მისი თქმით, ოცნების ამ უკანონობას ხელხმა საკადრისი პასუხი საპროტესტო აქციებით უნდა გასცეს, რისი მიზანიც პოლიტპატიმრებისგან თავისუფალი საპატიმროების პირობებში ქვეყანაში თავისუფალი არჩევნების აღდგენა იქნება.
პირველად დამოუკიდებელი საქართველოს ისტორიაში, თამამად შეიძლება ვთქვათ, რომ არჩევნები არ გაყალბებულა… ადგილობრივ და საერთაშორისო ორგანიზაციებს მოვუწოდებდი, თავს ნუ შეიწუხებენ მისი შეფასებით… პოლიტიკური აქტი – რომელსაც არჩევნები ეწოდება, საქართველოში გაუქმებულია.
იქ, სადაც არ არსებობს არჩევნები როგორც ასეთი, არ არსებობს დემოკრატია, არ არსებობს მომავალი…
ეს არის მოცემულობა, სადაც აქამდეც ვიყავით, მხოლოდ უფრო მეტმა და ზუსტად ვიცით რომ მის იქით არაფერი არ არის, აქ იმედიც კი კვდება…
არჩევანი ერთადერთია – იქ, სადაც არჩევნები გაუქმებულია, ხოლო ხელისუფლება მიტაცებული, პირველ რიგში უნდა აღდგეს კანონიერება, რაც იძულებით მიიღწევა. იძულებას კი ძალა სჭირდება – ეს ძალა დღეს არის ქუჩა და ის საპროტესტო ტალღა, რომლის უწყვეტმა და რადიკალურმა ხასიათმა უნდა აიღოს პოლიტიკური პროცესების მართვის სადავეები;
ყველა გეგმა გარდა ერთისა, ნიშნავს პრობლემების გადაგორებას, რაც მხოლოდ სისუსტის და უხერხემლობის დადასტურებას, ერთჯერადი მიტინგები და ერთიანობებზე გაუთავებელი საუბარი აკადემიური სიმპოზიუმების დისკუსიებს ჰგავს! მიმაჩნია დაუყოვნებლივ უნდა დაიწყოს პირდაპირი დემოკრატიის გზით ალტერნატიული,დემოკრატიული სტრუქტურების ჩამოყალიბება, რომელიც ორგანიზებულ სახეს მისცემს სახელმწიფოებრიობაზე ორიენტირებული ძალების კონსოლიდირებულ მოქმედებასდა საყოველთაო სახალხო დემოკრატიული მოძრაობის ხასიათს შეიძენს – თავისუფლებისთვის! ერთადერთი მიზანი უნდა დავისახოთ პოლიტპატიმრებისგან თავისუფალი საპატიმროების პირობებში თავისუფალი არჩევნების აღდგენა ქვეყანაში!” – აცხადებს ედპ-ის ლიდერი.
კომენტარები