საქართველოს ეროვნული ბანკი 2021 წლის სექტემბრის “თვის მიმოხილვას” აქვეყნებს.
მიმოხილვაში დეტალურად არის გაანალიზებული გასული თვის მაკროეკონომიკური პარამეტრები და ქვეყნის საბანკო და საფინანსო სექტორებში არსებული მდგომარეობა.
დოკუმენტის თანახმად, სექტემბერში, წინა თვესთან შედარებით, ინფლაციის ზრდაზე ყველაზე მეტად მარცვლეული პროდუქტების გაძვირება მოქმედებდა. კერძოდ, ხორბლის პურზე, წიწიბურაზე, ბრინჯზე და მანანის ბურღულზე ფასების ზრდამ თვის ინფლაცია 0.4 პპ-ით გაზარდა.
კვერცხის, ქათმის ხორცის და შაქრის გაძვირებამ ჯამში ინფლაცია 1.5 პპ-ით გაზარდა.წლიურ ჭრილში, ინფლაციაზე მნიშვნელოვან გავლენას სურსათის ფასები ახდენდა. სურსათის გაძვირება გლობალური ტენდენციაა, რაც საქართველოზეც აისახება. სექტემბერში სურსათის წლიურმა ინფლაციამ 16.5 პროცენტი, ხოლო წვლილმა მთლიან ინფლაციაში 4.5 პპ შეადგინა. აქედან გამოსარჩევია მსოფლიო ბაზარზე ფასის მატების გამო მზესუმზირის ზეთის 77.0% პროცენტით გაძვირება, რამაც მთლიანი ინფლაცია 0.6 პპ-ით გაზარდა. ხორბლის გაძვირებამ პურის ფასის 13.4 პროცენტით და, შესაბამისად, ინფლაციის 0.5 პპ-ით მატება გამოიწვია. ყველის, კარტოფილის, კვერცხის, ქათმის ხორცის და შაქრის გაძვირებამ ჯამში ინფლაცია 1.5 პპ-ით გაზარდა.
კომენტარები