ჩაბეტონებული ვაკის პარკი და არასრულფასოვნად გაკეთებული ბილიკები – გარემოს დამცველებს დედაქალაქის მერთან შეკითხვები აქვთ. მათ აინტერესებთ, რატომ გახდა კულუტურული ძეგლის სტატუსის მქონე პარკის ხელახალი რეაბილიტაცია საჭირო მაშინ, როდესაც მისი განახლება სამი წლის წინაც განხორციელდა.
გარემოს დამცველების ინფორმაციით, მერიასთან არსებობდა შეთანხმება, რომ ვაკის პარკში ბილიკები შეზღუდული შესაძლებლობის პირებისთვის გაკეთდებოდა, სადაც ისინი დამოუკიდებლად გადაადგილებას შეძლებდნენ. მათი ინფორმაციით, კულტურული ძეგლის სტატუსის მქონე ძეგლის რეაბილიტაცია ასეთი ფორმით არ უნდა მომხდარიყო.
დაიხარჯა 21 მილიონი ჯერ მარტო პირველ ეტაპზე, რა გაკეთდა იქ 21 მილიონის, ვერ გეტყვით, რადგან იქ დიდი ინფრასტრუქტურული ცვლილებები არ შეიმჩნევა, აქტივისტების თხოვნით იქ შეზღუდული შესაძლებლობის პირებისთვის ბილიკები უნდა გაკეთებულიყო, თუმცა არც ერთ სტანდარტში არ წერია, რაც გაკეთდა.
ვისაც სურს ფილებზე სეირნობა, ისეირნოს ჭავჭავაძის გამზირზე, პარკში უნდა იყოს ბუნებრივი მსუნთქავი ზედაპირი. ეს არ დადის ამ მთავრობის მენტალობამდე. პარკი ბუნებრივი ზედაპირით უნდა იყოს აღჭურვილი – აცხადებს ,,პარტიზანი მებაღეების” ხელმძღვანელი, ნატა ფერაძე.
ვაკის პარკის რეაბილიტაციის მეორე ეტაპი 2022 წელს დაიწყება და მასზე მერია 10 მილიონი ლარის დახარჯვას აპირებს. პროექტის მიხედვით, რეკონსტრუქცია რეკრეაციულ ზონაშიი არსებულ შადრევნებს უნდა ჩაუტარდეს.
კომენტარები