“მიხეილ სააკაშვილის ჯანმრთელობის მდგომარეობა გაუარესებულია, უკვე გადაადგილებაც უჭირს” – ანა წითლიძე რუსთავის ციხეში იმყოფებოდა

რუსთავის მე-12 დაწესებულებაში, მსჯავრდებული ექსპრეზიდენტი “ნაციონალური მოძრაობის” წევრმა ანა წითლიძემ მოინახულა. როგორც წითლიძემ სააკაშვილთან შეხვედრის შემდეგ განაცხადა, მე-3 პრეზიდენტის ჯანმრთელობის მდგომარეობა გაუარესებულია და მას უკვე გადაადგილებაც უჭირს. ამასთან, მიხეილ სააკაშვილი შიმშილობის შეწყვეტას არ აპირებს. 

ექსპრეზიდენტმა მის თანაგუნდელთან შეხვედრისას, გუშინდელი აქციაც შეაფასა და თქვა, რომ “ვარდების რევოლუციაზეც არ ყოფილა ამდენი ხალხი, რამდენიც გუშინ, “ნაციონალური მოძრაობის” აქციაზე იყო”.   

ანა წითლიძე აცხადებს, რომ მათი მთავარი მოთხოვნა, მიხეილ სააკაშვილთან მისი პირადი ექიმის შეშვებაა. 

ექსპრეზიდენტთან რამდენიმე წუთის წინ, ლიზა იასკო შევიდა.