პარლამენტის თავმჯდომარე კახა კუჭავა თამაზ კვაჭანტირაძის გარდაცვალების გამო მწუხარებას გამოთქვამს. კუჭავა გარდაცვლილის ოჯახის წევრებსა და ახლობლებს სამძიმარს უცხადებს.
„უდიდეს მწუხარებას გამოვთქვამ დიდი ქართველი მეცნიერის, ფილოლოგის, პოლიტიკოსის თამაზ კვაჭანტირაძის გარდაცვალების გამო. ფასდაუდებელია მისი ღვაწლი ქართული ენისა და ლიტერატურის, ზოგადად მეცნიერების განვითარების საქმეში. აღსანიშნავია თამაზ კვაჭანტირაძის მოღვაწეობა საქართველოს პარლამენტში – იგი გახლდათ სასწავლო ცენტრის უფროსი, მოგვიანებით, მეშვიდე მოწვევის პარლამენტის წევრი.
პარლამენტის სახელით ვუსამძიმრებ და თანადგომას ვუცხადებ მის ოჯახს, მეგობრებს და სრულიად საქართველოს“,- აღნიშნავს კახა კუჭავა.
ქართველი მეცნიერი, ფილოლოგი და პოლიტიკოსი თამაზ კვაჭანტირაძე 81 წლის ასაკში გარდაიცვალა.
კომენტარები