“წაქცეული თავის თავს უღებდა ფოტოებს“ – უცნობი ვახო სანაიას უპირისპირდება

უცნობი ვახო სანაიას საჯაროდ უპირისპირდება – გია გაჩეჩილაძე ირწმუნება, რომ ვახო სანაია თებერვალში მომხდარი ინციდენტის დროს ნასვამ მდგომარეობაში იმყოფებოდა.

“არაფერი მომხდარა ისეთი, რომ ეს ადამიანები ამდენხანს ციხეში აყურყუტონ ერთი „ჟურნალისტის“ ახირების გამო. თუმცაღა, მე სხვა ადამიანებისგან გავიგე, რომ იქ ისეთ პროვოკაციას ეწეოდა ეს ადამიანი, რომ წაქცეული თავის თავს უღებდა სელფებს და თან როგორც გავიგე, არ ყოფილა ფხიზელ მდგომარეობაში, იყო ძალიან ნასვამ მდგომარეობაში და იმ დღეს არც გადაუყვანიათ ეს ვითომ ჟურნალისტი ნარკოლოგიურში, რათა შეემოწმებინათ რა მდგომარეობაში იმყოფებოდა კონკრეტულად იმ დღეს და იმ ვითარებაში“, – ამბობს გაჩეჩილაძე გადაცემაში უცნობის კიდობანი.

ცნობისთვის, თბილისის საქალაქო სასამართლო ჟურნალისტ ვახო სანაიაზე თავდასხმის საქმეზე საბოლოო გადაწყვეტილებას 25 აგვისტოს გამოაცხადებს.