“ასეთი განცხადების გაკეთება, პილატესავით ხელების დაბანა და იმის თქმა, პატრიარქის აცრას არანაირი მნიშვნელობა არ აქვს ხალხისთვის, ანტიქრისტიანული, უპასუხისმგებლო და არაადამიანური განცხადებაა,”– ასე აფასებს თეოლოგი ბასილ კობახიძე ვაქცინაციაზე პატრიარქის მიერ გავრცელებულ წერილს, სადაც ნათქვანმია, რომ აიცრება თუ არა პატრიარქი, არ შეიძლება ეს სხვებისთვის განმსაზღვრელი იყოს.
ბასილ კობახიძის თქმით, იმ ხალხის უმრავლესობა, რომელიც არ იცრება, ამას აკეთებს ეკლესიის, სამღვდელოების ქადაგების გამო.
დღეში 50 ადამიანი იღუპება. ამ ფონზე ასეთი განცხადების გაკეთება, პილატესავით ხელების დაბანა და იმის თქმა, პატრიარქის აცრას არანაირი მნიშვნელობა არ აქვს ხალხისთვის, ანტიქრისტიანული, უპასუხისმგებლო და არაადამიანური განცხადებაა.
მისივე თქმით, პატრიარქმა აცრისკენ რომ მოუწოდოს, უამრავი ადამიანი აიცრება.
“ეს ფსევდომართლმადიდებლური, რუსული, კონსპიროლოგიური ბოდვა, რომელმაც წალეკა ეკლესია და სამღვდელოების და მრევლის ტვინები, არის მწვალებლობა, ერესი და არაფერი აქვს საერთო ეკლესიის სწავლებასთან”. – თქვა ბასილ კობახიძემ.
შეგახსენებთ, სრულიად საქართველოს კათოლიკოს-პატრიარქის ვაქცინაციის შესახებ წერილი გაავრცელა, სადაც ნათქვამია, რომ აიცრება თუ არა პატრიარქი, ეს არ შეიძლება განმსაზღვრელი იყოს სხვათათვის. წერილში ასევე წერია, რომ ვაქცინაცია უნდა იყოს ნებაყოფილობითი და აცრის თუ აუცრელობის შემთხვევაში არ უნდა ხდებოდეს დაძალება, ან ერთმანეთის განკითხვა-შეურაცხყოფა.
კომენტარები