„ისმის კითხვა, რა ეშველება ყველაფერ ამას?“ – წერს სოციალურ ქსელში ანალიტიკოსი დავით ზურაბიშვილი.
„საერთოდ ქართული სახელისუფლო სისტემა მუშაობს ასე:
თუ ბიძინა ივანიშვილი იძლევა მკაფიო და ცალსახა ინსტრუქციას, სახელმწიფო მანქანა მთელი თავისი ფორმალური თუ არაფორმალური სიმძლავრეებით იწყებს იმ ინსტრუქციის შესრულებას და ამ დროს ხელისუფლება მობილიზებულია და ასე თუ ისე ეფექტურად მოქმედებს. სხვა თემაა, რომ ეს ინსტრუქციები ხშირად ძალიან დამაზარალებელია ქვეყნისთვის და მაღალი ანგარიშით თავად ხელისუფლებისთვისაც, როგორც, მაგალითად, ნიკა მელიას დაპატიმრების შემთხვევაში.
ხოლო თუ ბიძინა ივანიშვილისგან არ მოდის ცალსახა და მკაფიო ინსტრუქცია (და საკმაოდ ხშირად ასეცაა), მაშინ სახელისუფლო სტრუქტურები მინდობილი არიან საკუთარ თავს და მათი საქმიანაობის ეფექტურობა მთლიანად დამოკიდებულია მათივე ხელმძღვანელის კვალიფიკაციაზე. თუ გავითვალისწინებთ რა კადრები ჰყავს შერჩეული ივანიშვილს მაღალ თანამდებობებზე, არაა გასაკვირი, რომ ამ დროს მარჯვენამ არ იცის რას აკეთებს მარცხენა და შეუძლებელია გაერკვე ვისი ვიოლინო ვის როიალშია. პარტიის თავმჯდომარე რომ ირაკლი კობახიძე გეყოლება და პრემიერ-მინისტრი ირაკლი ღარიბაშვილი, სხვანაირად ვერც იქნება.
ყოველივე ზემოთქმულიდან გამომდინარე ერთადერთი ლოგიკური ახსნა იმ ფაქტისა, რომ საქართველოს ხელისუფლება ავლენს ჭეშმარიტად გასაოცარ არაკომპეტენტურობას პანდემიის მართვაში, თავს ვერ აბამს ვაქცინაციას და ხელისუფლების წარმომადგენელთა რიტორიკაც ბოლო დრომდე რაღაც ნახევრადანტივაქსერულივით იყო, არის ის, რომ როგორც ჩანს ბიძინა ივანიშვილს ეს საკითხი არ აღელვებს და დაბარებული აქვს. მიხედეთ პანდემიას თქვენ თვითონო.
ჰოდა, ამათაც მიხედული აქვთ, თავიანთი კომპეტენციის ფარგლებში.
ცხადია ისმის კითხვა, რა ეშველება ყველაფერ ამას? რაზედაც პასუხი არის ძალიან მარტივი: ამ ხელისუფლების პირობებში, არაფერი.“ – წერს ზურაბიშვილი.
კომენტარები