ყველაზე მნიშვნელოვანი, ყველაზე მძიმე სიმპტომები შეგვხვდა 14-დან 18 წლამდე ასაკის მოზარდებში, – ამის შესახებ ბოჭორიშვილის კლინიკის პედიატრიული განყოფილების ხელმძღვანელმა, პროფესორმა მალვინა ჯავახაძე „მაესტროს“ განუცხადა, რომელმაც კოვიდინფიცირებულ ბავშვებზე სპეციალური რეპორტაჟი მოამზადა.
მისი თქმით, ამჟამად ბოჭორიშვილის კლინიკის პედიატრიული განყოფილების 60-ვე ადგილი შევსებულია.
„კორონავირუსული ინფექციის სიმძიმე კორელირებს პაციენტის ასაკთან, ეს ეხება ერთი წლიდან 18 წლამდე ასაკს და თუ შევაჯამებთ, რაც მეტია ბავშვის ასაკი, მით უფრო საყურადღებოდ და მძიმედ მიმდინარეობს დაავადება. ასე რომ, ყველაზე მნიშვნელოვანი, ყველაზე მძიმე სიმპტომები შეგვხვდა 14-დან 18 წლამდე ასაკში. საქართველოში ბავშვთა ასაკში ავადობა ასაკის მიხედვით დაახლოებით თანაბარია, მაგრამ ყველაზე მეტია 9, 10-11 წლის ასაკის ბავშვებში.
დღის განმავლობაში, 24 საათში შესაძლოა, მაქსიმუმ 3-4 საათი გვეძინოს. ამდენწლიანი სტაჟის მქონე ინფექციონისტი ვარ და ცხოვრების ასეთი რეჟიმი არ მქონია. მინდა ჩემს კოლეგებს გამძლეობა ვუსურვო. საზოგადოებას კი მინდა ვთხოვო, რომ დაიცვან საკუთარი თავიც და სხვებიც, რომ ისე დავასრულოთ პანდემია, რომ დიდი მსხვერპლი არ გვქონდეს“
“ალია” შეგახსენებთ, ცოტა ხნის წინ, ამირან გამყრელიძემ განაცხადა, რომ თუ კოვიდი დაგვიდასტურდა, 112-ს და ექიმს უნდა მივმართოთ, ყველა კლინიკა იმას აცხადებს, რომ ადგილები შევსებულია, რას აკეთებენ ადგილების გასაზრდელად, სამწუხაროდ, ამაზე არავინ საუბრობს!
კომენტარები