რეჟიმის პატიმარმა, ანდრო ჭიჭინაძემ სასამართლოს დღევანდელ პროცესზე განაცხადა:
,,ირონიანარევი მადლობა მინდა გადავუხადო პროკურატურას იმ მტკიცებულებებისთვის, რაც წარმოადგინეს. აბსოლუტურად ყველა მათი “მტკიცებულება” ჩვენ წისქვილზე ასხამს წყალს.
მე დიდი იმედი მაქვს, რომ იმ გამოკითხვის ოქმებზე, რაზეც ადვოკატებმა ილაპარაკეს, გვეტყვიან, რატომ უნდა იყოს ჩვენ საქმეში თანდართული იმიტომ, რომ არც ერთი ადამიანის სახელი და გვარი, ვინც აქ ჩემ გვერდზე არის წარმოდგენილი, არ არის ნახსენები.
უბრალოდ ვერ ვხვდები, რატომ უნდა იყოს ეს გამოკითხვის ოქმები ამ საქმეში.
ჩვენ დაახლოებით 4 თვეა ველოდებით რაღაცას, რომ განვითარდეს, ანუ, მათივე ლოგიკით – წინ წაიწიონ და აბსოლუტურად არაფერი არ ემატება საქმეს, მაგრამ რა უნდა დაემატოს? არაფერი არ არსებობს. ჩვენ წინააღმდეგ არანაირი მტკიცებულებები არ არსებობს.”
მოსამართლე შვანგირაძემ ოლიგარქის პროკურატურის კიდევ ერთი მოთხოვნა დააკმაყოფილა და რეჟიმის 11 პატიმრის საქმე არსებითად განსახილველად სასამართლოს გადასცა. თბილისის საქალაქო სასამართლოში პროცესი 8 საათის განმავლობაში მიმდინარეობდა და გადაწყვეტილება შვანგირაძემ ცოტა ხნის წინ გამოაცხადა.
პირველი არსებითი განხილვა 2 აპრილს, 14 საათზე ჩაინიშნა.
კომენტარები