მოძრაობა თავისუფლების მოედანმა 10 ნაბიჯი წარადგინა, რომელიც მათი აზრით, წინააღმდეგობის მოძრაობას კიდევ უფრო გააძლიერებს:
“პირველი, ჩვენს თანამოაზრეებთან და თანამებრძოლებთან ერთად, ვიწყებთ მთელი საქართველოს თბილისის სხვადასხვა უბნების შემოვლას, რათა კიდევ უფრო მეტ ადამიანთან მივიტანოთ სიმართლე და ხელი შევუწყოთ საუბნო და საქალაქო სამოქალაქო საბჭოების ჩამოყალიბებას.
მეორე, იმის დასტურად, რომ შეგვიძლია რეალური და ძლიერი ალტერნატივის ფორმირება წლის ბოლოს თანამოქალაქეებთან და თანამებრძოლებთან ერთად, მოვიწვევთ მასშტაბურ სამოქალაქო ყრილობას, სადაც ვიმსჯელებთ ბრძოლის შემდგომ ნაბიჯებზე და ასევე, მხარს დავუჭერთ გარდამავალი პერიოდის ხედვასა და გეგმას.
უახლოს 30 დღეში, თავისუფლების მოედანი წარმოადგენს თავისუფლების პროგრამას საქართველოსთვის, რომელშიც განხილული და ასახული იქნება ყველა ის მნიშვნელოვანი რეფორმა და ნაბიჯი, რომელიც უნდა გადაიდგას გარდამავალ პერიოდში ავტორიტარიზმისგან დემოკრატიის აღდგენამდე.
ასევე, უახლეს 30 დღეში, წარმოვადგენთ საქართველოს ეროვნული უსაფრთხოების განახლებულ დოქტრინას, რომელიც წლების განმავლობაში არ განუახლებია ქართულ ოცნებას, იმის მიუხედავად, რომ სულ მშვიდობაზე საუბრობს და ვაჩვენებთ საზოგადოებას ჩვენს ხედვას, როგორც ეროვნული, ისე რეგიონული და საერთაშორისო მასშტაბით, თუ რეალურად როგორ უნდა დავიცვათ მშვიდობა და როგორ უნდა განვამტკიცოთ სტაბილურობა.
ასევე, უახლოესი დღეების განმავლობაში, ეტაპობრივად, წარმოგიდგენთ თავისუფლების მოედნის გუნდის იმ წევრებს, რომლებსაც ვთვლით, რომ აქვთ გამოცდილება, შესაძლებლობა, ცოდნა და პროფესიონალიზმი, იმისათვის, რომ ჩაიბარონ ქვეყნის მართვისათვის მნიშვნელობანი საკითხები და სფეროები.
ასევე, იმისათვის, რომ შევასრულოთ საზოგადოებისთვის მიცემული პირობები და ვერავინ გაბედოს იმ შეთანხმებების დარღვევა, რომელსაც საზოგადოების წინაშე დებენ, ვიწყებთ კამპანიას ხელმოწერების შესაგროვებლად, ლუსტრაციის კანონის მხარდასაჭერად, რომელიც როგორც საზოგადოებას დავპირდით, იქნება ერთ-ერთი პირველი კანონპროექტი, რომელსაც თავისუფლების მოედანი, ახალ დამოუკიდებელ პარლამენტში ავარჩევთ.
ასევე, საერთაშორისო მხარდაჭერის გასაძლიერებლად და საზღვარგარეთ ჩვენი დიასპორების კიდევ უფრო აქტიურად ჩასართავად საქართველოში ჩვენი დემოკრატიის გადარჩენის საქმეში, ვიწყებთ მუშაობას იმისათვის, რომ დავაარსოთ დემოკრატიის ეროვნული ფონდი და მხარი დავუჭიროთ დემოკრატიისათვის ბრძოლას საქართველოში.
ასევე, ოცნებაზე საერთაშორისო ზეწოლის გასაძლიერებლად და ჩვენი საერთო ძალისხმევის უკეთესი კოორდინაციისთვის, ჩვენს პარტნიორებს სხვადასხვა პოლიტიკური პარტიებიდან, საქართველოს მე-4 და მე-5 პრეზიდენტს, ასევე ყოფილ დიპლომატებს ვთავაზობთ და ნაწილ მათგანს უკვე შევთავაზეთ, ერთობლივად დავაფუძნოთ საგარეო პოლიტიკის საბჭო, რომელიც ხელს შეუწყობს ჩვენი პოზიციებისა და პოლიტიკის ერთობლივ შემუშავებას და წარდგენას საერთაშორისო ასპარეზზე.
ასევე, იმისთვის, რომ გავაძლიეროთ დემოკრატიისთვის ბრძოლაში ჩვენი მხარდაჭერა და საქართველოს საკითხის საერთაშორისო დღის წესრიგში კიდევ უფრო გაძლიერებას და მაღლა წაწევას შევუწყოთ ხელი, ჩვენ დავიწყეთ მუშაობა ჩვენ ევროპელ პარტნიორებთან ერთად, რათა ევროკავშირში დაარსდეს მუდმივმოქმედი, საერთაშორისო, მაღალი დონის კონფერენცია საქართველოში მიმდინარე კრიზისის შესახებ, სადაც უმაღლეს დონეზე, რეგულარულად იქნება განხილული ის თუ რა უნდა გაკეთდეს, საქართველოში დემოკრატიის გადასარჩენად.
ასევე, გამჭვირვალობის, საჯაროობის, ანგარიშვალდებულებისთვის კიდევ ერთხელ ხაზგასასმელად და ამის დასტურად, ჩვენ ყოველ სამშაბათს, მომდევნო 2 თვის განმავლობაში, თბილისის სახელმწიფო უნივერსიტეტთან ჩავაბარეთ ანგარიშს ხალხს, მოვუყვებით მათ ჩვენ გაწეულ საქმეებზე, ვუპასუხებთ მათ შეკითხვებს და წარვუდგენთ მათ ჩვენ ხედვებს”. – განაცხადა მოძრაობის ლიდერმა, ლევან ცუცქირიძემ.
მოძრაობის კდიევ ერთი წევრის, სიმონ ჯანაშიას განცხადებით, ხედვა საერთაშორისო პრაქტიკაზე დაფუძნებით მოამზადეს. მისი თქმით, “რეჟიმის ცვლილება შესაძლებელია მშვიდობიანი გზით და საზოგადოება თუ დაიჯერებს, რომ ეს შესაძლებელია ცვლილება მოხდება, ჩვენ გვჯერა იმისა, რომ მნიშვნელოვანია საზოგადოებამ დაინახოს ალტერნატივა, თუ რა მოხდება იმ შემთხვევაში, თუ რეჟიმი შეიცვლება და უნდა მოირყეს რეპრესიული სისტემა, რაც გულისხმობს სიცრუის, დაშინების და მოსყიდვის სისტემის შერყევას და წინააღმდეგობას უნდა ჰქონდეს ძლიერი საერთაშორისო მხარდაჭერა”.
კომენტარები