ტელეწამყვანი, გიორგი ჯაჯანიძე სოციალურ ქსელში წერს:
„31 დეკემბერი, ეს არის დღე, რომელიც ყველაზე ძლიერი, რთული და მისტიურია.
თუ ადამიანმა 31 დეკემბერს, მთელი დღის განმავლობაში შეძლო იმის გააზრება, რომ რაც ერთი წლის განმავლობაში იყო, ის უკვე წარსულია, ის უკვე აღარ დაბრუნდება, პირობას მისცემს საკუთარ თავს, რომ ძველ შეცდომებს აღარ გაიმეორებს, დატოვებს ყველაფერ უსიამოვნოს და შეძლებს, მოიშოროს წარსულის აგრესია, თუ გადაუხდის მხურვალე მადლობას ძველ წელს, პირობას მისცემს განგებას, ახალი წლიდან დაიწყებს ახალ ცხოვრებას, ახალი ფურცლით, მაშინ მთელი წელი წარმატებული და ბედნიერებით სავსე წელი ექნება.
მადლობა ყველას, იმისთვის, რომ ხართ და ადამიანები გქვიათ.
მადლობა მოყვარეს სიყვარულისთვის.
მადლობა სიკეთის მკეთებელ ადამიანებს.
მადლობა მტერს ჩემი სიფხიზლისთვის.
მაპატიეთ თუ ვინმეს გაწყენინეთ და ჩემდა უნებურად აგრესიაში ჩაგაგდეთ.
მე ახალ წელს ახალი ფურცლიდან ვიწყებ.
გილოცავთ.
გიორგი ჯაჯანიძე.“
კომენტარები