„შემირცხვენია ყველა ახალგაზრდა ქართველი , რომელიც რუსეთს ეტრფის, რუსს ელოლიავება, რუსებს ნატრობს! ეს ღალატის ტოლფასია!“ – ამის შესახებ სამოქალაქო აქტივისტი, ლადო სადღობელაშვილი სოციალურ ქსელში წერს.
„თურმე პუტინზე და რუსებზე აუგი არ უნდა ვთქვათ, რადგან რუსეთში ბევრი ქართველი ცხოვრობს და მათ “ცეცხლს წაუკიდებენო”…
– უკაცრავად და 2008-ში რუსეთი ცეცხლს, რომ გვიკიდებდა მაშინ სად იყვნენ ის რუსეთში მცხოვრები ქართველები? მეტსაც გეტყვით რუსეთში მცხოვრები ქართველების შთამომავლობა რუსის ჯარში მსახურობს, იმ ჯარში რომელიც ქართველებს ხოცავდა, იმ ჯარში რომელიც საქართველოს ტერიტორიებს რუსეთისთვის იპყრობს… თუ “ცეცხლის წაკიდებაზე” მიდგა საქმე იმაშიდაც დარწმუნებულები იყავით,
რომ რუსულ ძალოვანებში მომსახურე ქართველები იქნებიან ვინც პირველები გაკრავენ ასანთს…
– უკაცრავად და მხოლოდ რუსეთში ცხოვრობენ ქართველები? გასაგებია, რომ ბევრნი არიან, მაგრამ ერთი მაგდენი დასავლეთში (ევროპა ამერიკაშიც) ცხოვრობენ და რა ვქნათ ახლა აშშ და ევროპა არ გავაკრიტიკოთ? ისა და უკრაინაში ქართველები არ არიან?
– ამის წინ დავწერე და ისევ ვიმეორებ, შემირცხვენია ყველა ახალგაზრდა ქართველი , რომელიც რუსეთს ეტრფის, რუსს ელოლიავება, რუსებს ნატრობს! ეს ღალატის ტოლფასია!“ – წერს სადღობელაშვილი.
კომენტარები