200-ლარიანი დახმარების მიღების მიზნით, დაქირავებულთა შესახებ მონაცემების წარდგენის ვადა ამოიწურა. შემოსავლების სამსახურის ოფიციალური მონაცემებით, ონლაინ-პლატფორმაზე, ჯამში, 160 ათასზე მეტი ფიზიკური პირი 200-ლარიანი კომპენსაციის მისაღებად დარეგისტრირდა.
შემოსავლების სამსახური მონაცემებს დასაქმების ხელშეწყობის სახელმწიფო სააგენტოს განსახილველად მიაწვდის, რომელიც ერთჯერადი კომპენსაციის თანხის გადარიცხვას უზრუნველყოფს.
დამქირავებლის მხრიდან არასწორი ინფორმაციის წარდგენისა და კომპენსაციის უსაფუძვლოდ გაცემის შემთხვევაში, სახელმწიფოსთვის მიყენებულ ზიანზე პასუხისმგებლობა განმცხადებელს ეკისრება.
თანხის გაცემა 28 იანვრიდან დაიწყება.
კომენტარები