რამდენიმე წინ გავრცელდა ინფორმაცია, რომ კახეთის ერთ-ერთ რიონში პოლიციამ 34წლის მამაკაცი პედოფილიის ბრალდებით დააკავაო!
თუმცა არ არის მითითებული, რომელ რაიონში მოხდა ეს და არც მამაკაცის ვინაობაა გაჟღერებული ინიციალების მეშვეობითაც კი…
„ალიამ“ ამ ამბის შესახებ ჯერ კიდევ 2 კვირის წინ შეიტყო, ანუ იმ დროს როცა აჭარაში არასრულწლოვან, ძალადობის მსხვერპლ გოგონას ასაფლავებდნენ და როგორც მაშინ აჭარაში, ისე კახეთში მომხდარ შემზარავ დანაშაულს, პოლიციელების მხრიდან უსწრაფესი რეაქცია არ მოჰყვა!
„ალიაში“ დარეკა 11 წლის გოგონას დედამ და ტირილით გვთხოვა, ზეგავლენა მოგვეხდინა რაიონის პოლიციაზე, რადგან მათი ოჯახის განცხადებას რაიონული პოლიცია არ იბარებდა და ბავშვის დედას ეუბნებოდა – „ასე ზეპირი განცხადებით, ფაქტების არარსებობის გარეშე, ვერც განცხადებას მივიღებთ და სისხლის სამართლის საქმესაც ვერ აღვძრავთო!“
მე შევთავაზე 11 წლის არასრულწლოვანის დედას, „ალიას“ მეშვეობით მიემართა შს მინისტრ ვახტანგ გომელაურისთვის, მაგრამ ასეთი პასუხი მივიღე – არ მინდა ასე, შემდეგ პოლიცია გადაგვეკიდება და საერთოდ დავიღუპებით! იქნებ თქვენ დარეკოთ პოლიციის უფროსთან, სთხოვეთ, დაემუქრეთ, ანდა შეაგნებინეთ, რომ ხვალ და ზეგ უკვე გვიან იქნება, იმ მამაკაცმა უკვე 3 ბავშვზე სცადა სქესობრივი ძალადობა და შემდეგ გვიანი რომ არ იყოს, ვიდრე სისხლი არ დაიღვრება და რომელიმე მშობელი იმ გარეწარსაც არ ჩააკლავს, მიხედონ თავიანთ საქმეს, შეასრულონ მათზე დაკისრებული ვალდებულება, დაგვიცვან ჩვენ და დაიცვან სხვა ბავშვებიც, პოლიცია აბა, რისთვისაა საჭირო გამაგებინეთ ერთიო?..
რასაკვირველია, დავამშვიდე პატარა გოგონას ახალგაზრდა დედა და მაშინვე გადავრეკე იქ, სადაც მომისმენდნენ და სადაც ჩემს სიტყვას შეისმენდნენ!
მართლაც, პროცესი დაიძრა და რამდენიმე დღეში ბავშვებზე მოძალადე გარეწარი პატიმრობაში აიყვანეს, ხოლო 3 არასრულწლოვანი ფსიქოლოგის და მშობლის თანდასწრებით დაიკითხნენ და საქმის მასალებს თან დაურთეს, როგორც მტკიცებულება!!!
არც მე ვიტყვი, რომელ რაიონში ხდებოდა ეს და მით უმეტეს, ვინ არიან პატარა მსხვერპლები, ისევე როგორც არ გავამჟღავნებ ამჟამად ეჭვმიტანილის ვინაობას, მაგრამ ერთს კი დავძენ – ის ამ სამი გოგონადან ერთ-ერთის ნათესავია და ბავშვთან დაახლოებას, ხან ფულით, ხანაც საჩუქრებით ცდილობდა, იმიტომ, რომ გოგონას მამა რუსეთში მუშაობს და თითქოსდა, მამას მონატრებული ბავშვისთვის მზრუნველობას არ იშურებდა!
ხან სკოლიდან მომავალ ბავშვს მანქანას უჩერებდა – სახლში მიგიყვანო! ხანაც ფულს ჩუქნიდა – გამომართვი, ბიძაშენი არ ვარ? ნუ გრცხვენია, რამე იყიდე ჩემგან სახსოვრადო!
ერთხელაც უთქვამს, მე რომ რაღაცებს გჩუქნი და გაძლევ, შენ რა უნდა მომცე და მაჩუქოო? ერთხელაც სანათესაოს თავშეყრის დროს, თამაშ-თამაშით მიყრუებულ ადგილას გაუტყუებია ბავშვი და სასქესო ორგანო დაუნახვებია! თან უთქვამს ჩვენი საიდუმლო იყოს, არავის უთხრაო, მაგრამ ბავშვმა დედას ეს ამბები მაინც უამბო და გაგიჟებული დედა, პოლიციაში მივარდა – სასწრაფოდ დააპატიმრეთ ეს გარეწარი პედოფილი, ვიდრე ჩემი ხელით მომიკლავს და ციხეში წავსულვარო!
როგორც თავში მოგახსენეთ, პოლიციამ თუნდაც პრევენციის მიზნით, 34 წლის მამაკაცი არათუ არ დაკითხა, არამედ კიდევ დიდხანს აბოგინა და აბოგინა იქამდე, ვიდრე სხვა ბავშვებიც არ მოჰყვნენ, რა ვითარებაში და გარემოებაში აპირებდა ძალადობას აღნიშნული პიროვნება, რომელსაც ცოლიც ჰყავს, შვილებიც და იმ რაიონშიც ვერავინ წარმოიდგენდა, რომ პედოფილიისკენ ჰქონდა მიდრეკილება!!!
11 წლის გოგონას უფლებებს იცავს ადვოკატი, რომელიც ოჯახს ეუბნება, რომ შესაძლოა მუხლი, რომლითაც მოძალადე მამაკაცი დააკავეს, ჩანაცვლდეს სხვა მუხლით და იგი 2-3 წელიწადში კვლავ თავისუფლებაზე იყოს!
ამიტომაც მივმართავ შს მინისტრ გომელაურს!
განსაკუთრებულ კონტროლზე აიყვანეთ, კახეთში, 11 წლის გოგონაზე მოძალადე მამაკაცის საქმე და კანონის სრული სიმკაცრით აგებინეთ პასუხი.
იმედს ვიტოვებ, „ალიაში“ გამოქვეყნებულ დღევანდელ წერილს უყურადღებოდ არ დატოვებთ და რაიონის პოლიციას, რომელსაც ხვეწნა დასჭირდა პედოფილის მამხილებელი განცხადების მიღებაზე, მათაც მოსთხოვთ პასუხს – რატომ მოიქცნენ ასე???
ძვირფასო მკითხველო! იმედია თქვენც გაინტერესებთ, როგორ წარიმართება აღნიშნული საქმე და გპირდებით, ყველაფერს გიამბობთ, რადგან ამ დროს დუმილი არ შეიძლება!
დუმილი და შიში პატარა გოგონებს ჯერ აუპატიურებს, ხოლო შემდეგ კლავს და ასე გაგრძელება აღარ შეიძლება, არააააააა!!! დავიღუპებით!
ირინე გოგოსაშვილი, ალია
კომენტარები