„150 ბავშვზე გათვლით, წელიწადში ერთი ბავშვისთვის ეს თანხა გამოდის დაახლოებით 18 ლარი დღეში“ – არჩილ გამზარდია ნინოწმინდის პანსიონის დაფინანსებაზე

ანალიტიკოსი არჩილ გამზარდია სოციალურ ქსელში წერს:

„რაც შეეხება მატერიალურ ნაწილს, ნინოწმინდის პანსიონისთვის 1 მილიონი ლარი წელიწადში რომ გავიგე, ჯერ მუშტები მოვიღერე, მაგრამ შემდეგ მარტივი არითმეტიკით დავიანგარიშე, რომ 150 ბავშვზე გათვლით, წელიწადში ერთი ბავშვისთვის ეს თანხა გამოდის დაახლოებით 18 ლარი დღეში.

ზოგადად, პანსიონების მომხრე არ ვარ, მაგრამ რეალური მოცემულობიდან თუ ამოვალთ, ფაქტია, რომ ეს თანხა არ არის დიდი თანხა.

საინტერესოა, რა სერვისს იღებენ აღსაზრდელები ამ თანხაში – საკვები, შენობის და ცხოვრების ხარჯები, ყოფითი ხარჯები, ჰიგიენის ხარჯები, არ ვიცი, შედის თუ არა სამოსი და სამედიცინო საჭიროებები.საჭიროა მეტი ინფორმაცია.ისიც საინტერესოა, ამ თანხის სანაცვლოდ, რა გაუმჯობესებული ცხოვრების და განვითარების ალტერნატივას სთავაზობენ ამ ბავშვებს, სად და როგორ.ეს ინფორმაციაც უნდა იყოს ღია და გამჭვირვალე.

მორალურ და უფლებრივ მხარეს რაც შეეხება, მთლიანობაში მაინც ბუნდოვანია საკითხი ურთიერთგამომრიცხავი ინფორმაციის გამო. მე ვნახე სახალხო დამცველის ანგარიშის ნაწილი, რაც ვნახე, ომბუდსმენისთვის რომ ომი არ გამოეცხადათ პანსიონის ზედამხედველებს და შეამხანაგებულიყვნენ, არაერთი მათგანი გაუმჯობესებული იქნებოდა და ეს უნდობლობა ომში არ გადაიზრდებოდა“.