სოციალური პური არ გაძვირდება, შეიძლება გაძვირდეს თონის და ე.წ. საგემოვნო პური – ლევან სილაგავა

„საქართველოს ხორბლისა და ფქვილის მწარმოებელთა ასოციაციის” აღმასრულებელმა დირექტორმა, ლევან სილაგავამ მედიასთან განაცხადა:

„იქიდან გამომდინარე, რომ სუბსიდირების პროგრამა პურის ფასების სტაბილიზაციას ითვალისწინებს, ის უკვე დაიწყო და 2021 წლის 31 მარტამდე გაგრძელდება, ანუ 4-თვიანი პროგრამაა, შეგვიძლია დანამდვილებით ვთქვათ, რომ მასობრივი მოხმარების პურზე ფასი არ გაიზრდება. ამ პროგრამით ფქვილი ფიქსირებულ ფასად, 53 ლარად მიეწოდება იმ საცხობების და პურის ქარხნების ჩამონათვალს, რომლებიც სოციალურ პურს აცხობენ, შესაბამისად, ეს მექანიზმი იმის დასაბუთებულად თქმის საშუალებას გვაძლევს, რომ მასობრივი მოხმარების პურზე ფასი ამ ოთხი თვის განმავლობაში არ გაიზრდება.

ეს ეხება პურს, რომელსაც ადამიანები ყოველდღიურად ყიდულობენ სუპერმარკეტებში, უბნის მაღაზიებში და ა.შ. ესაა ეგრეთ წოდებული ბატონის პური, ქვის პური და სხვა.

მეორე საკითხია ის, რომ გაძვირებულია და შესაძლებელია გაძვირდეს ის პური, რომელიც თავისუფალ ბაზარზეა, ესაა ე.წ. საგემოვნო პურები იგივე გერმანული პური, ავსტრიული პური, თონის პური და სხვა, რადგან ამ პურზე პროგრამა არ არსებობს და არც ყოველდღიურად მოიხმარს მომხმარებელი. ადამიანები თონის პურს თვეში საშუალოდ 6-ჯერ, 7-ჯერ ყიდულობენ და არა ყოველდღიურად.

აშშ-დან პროგრამა „კერძო სექტორი პარტნიორობისათვის“ ფარგლებში 30 000 ტონა ხორბალს ვღებულობთ, რომელიც ნაწილი უკვე შემოვიდა საქართველოში და ხორბლის პრობლემა ქვეყანაში არ არის.”

  •  
  •  

კომენტარის დატოვება

თქვენი ელფოსტის მისამართი გამოქვეყნებული არ იყო.