ნეკა დოროყაშვილის უფლებადამცველებმა ნიკა გვარამიას უჩივლეს

ნიკოლოზ ბასილაშვილის ყოფილი მეუღლის, ნეკა დოროყაშვილის უფლებადამცველებმა ტელეკომპანია „მთავარის“ დირექტორს, ნიკა გვარამიას ჟურნალისტური ეთიკის ქარტიაში უჩივლეს.

ქარტიის სამდივნომ დასაშვებად ცნო “პარტნიორობა ადამიანის უფლებებისათვის” განცხადება ტელეკომპანია “მთავარის” გადაცემა “მთავარი აქცენტების” წამყვანის – ნიკა გვარამიას წინააღმდეგ.

სადავო გადაცემა “მთავარი აქცენტები” ეთერში 2020 წლის 24 მაისს გავიდა და მხარის პრეტენზია გვარამიას მონოლოგის იმ ნაწილს ეხება, როდესაც ის, ყოფილი ცოლის ცემაში ბრალდებული ნიკოლოზ ბასილაშვილის საქმის დეტალებზე საუბრობს.

“პარტნიორობა ადამიანის უფლებებისათვის” განმარტებით, გარდა იმისა რომ წამყვანის მონოლოგში, ბასილაშვილის ყოფილი მეუღლის მხრიდან, შანტაჟთან დაკავშირებული ინფორმაცია ფაქტადაა გადმოცემული და სიმართლეს არ შეესაბამება, მსხვერპლი ისეა წარმოჩენილი, თითქოს მან უბიძგა ბრალდებულს ძალადობის ჩადენისკენ და ქმნის წარმოდგენას, თითქოს “ქალის გარკვეული “არასწორი” სოციალური ქცევა, მამაკაცს ანიჭებს პრივილეგიას, რომ მას ძალადობრივი მეთოდებით გაუსწორდეს.”

განმცხადებელი მიიჩნევს, რომ ამბის ამგვარად გადმოცემა ინფორმაციის სიზუსტის დარღვევა და გენდერული ნიშნით დისკრიმინაციის წახალისებაა.

ქარტიის საბჭო განცხადებას ღია სხდომაზე განიხილავს და დაადგენს დაირღვა თუ არა ქარტიის პრინციპები.

  •  
  •  

კომენტარი

  1. ანონიმური

    მოკლედ რაა,ქალების ინტერესს იცავს,გომიკია,კაცების ინტერესს იცავს, დისკრიმინაციას ახალისებს.ანუ მოკეტოს???ყველას რომ ყოველთვის მოგწონდეთ,ეგეთი გვარამია ვერ იქნება.წერტილი.

  2. ჯუდე

    მოცლილები!

  3. ანონიმური

    მეტის ღირსუა ქათამი გვარამია მეტიის

  4. ანონიმური

    ორივე უსაქმურები არიან და ემტი არაფერი რა

  5. ანონიმური

    ნახეთ რა მატყუარას არის გვარამია? მისი არც ერთი სიტყვა სიმართლეს არ შეესაბამება.

კომენტარის დატოვება

თქვენი ელფოსტის მისამართი გამოქვეყნებული არ იყო.