“მუდმივად თვითმკვლელობაზე ვფიქრობ, დედა, მამა, შური იძიეთ…” – სკანდალური საქმე ნინო ლეჟავას წინააღმდეგ

კიდევ ერთი სკანდალური საქმე – არასრულწლოვნის სავარაუდო თვითმკვლელობამდე მიყვანაში ტაროლოგ ნინო ლეჟავას ადანაშაულებენ.

მოზარდის ადვოკატი ამტკიცებს, რომ პირადი პრობლემენის მოსაგვარებლად ნათელმხილველთან მისულ არასრულწლოვანს ნინო ლეჟავა აშანტაჟებდა, რის გამოც მოზარდმა წერილი დატოვა და გაუჩინარდა. 17 წლის გოგონა ოჯახმა მოძებნა და თვითმკვლელობას გადაარჩინა.
“ვარ ძალიან ცუდად, მუდმივად თვითმკვლელობაზე ვფიქრობ, დედა, მამა ჩემი ცხოვრების აზრი ხართ და გავალებთ, შური იძიოთ, უჩივლეთ და ციხეში ამოალპეთ” – წერდა გოგონა თავის წერილში..

ნინო, ლეჟავა, რომელზეც მოზარდის ოჯახის ადვოკატი საუბრობს ერთ-ერთი ყველაზე გავრცელებული სამკითხაო ცენტრის ტაროს სახლის დმფუძნებელია. ადვოკატის ინფორმაციით, მოზარდს ტაროლოგი სოციალური ქსელით დაუკავშირდა, მისი ნდობა მოიპოვა, შემდეგ კი დაშანტაჟება სცადა, დაიწყო, რაც გოგონას თვითმკვლელობის მცდელობით საფუძველი გახდა.
“მან უთხრა, დავურეკავ შენს მშობლებს, ყველაფერს ვეტყვი და ასეთი სიტყვაც იხმარა, თმებს დაგაწიწკნიან” – ამბობს ადვოკატი რევაზ რიჟამაძე.


ადვოკატმა ტაროლოგ ნინო ლეჟავას მიმართ, სავარაუდო თვითმკვლელობამდე მიყვანის მოტივით შსს-ს წერილი უკვე გაუგზავნა , თუმცა შსს-ს რეაგირება არ მოუხდენია.
“მე მივმართე შს მინისტრს 31 ივნისს, ასევე გუშინაც გავაგზავნე შეხსენების წერილი და ველი პასუხს” – აცხადებს ადვოკატი.

თავად ნინო ლეჟავა კი გოგონას ოჯახის ბრალდებას უარყოფს. იგი აცხადებს, რომ გოგონა მასთან კავშირზე ნამდვილად გავიდა და უამბო, რომ ერთ-ერთმა ნათელმხილველმა ის საეჭვო რიტუალებში ჩართო. მისი თქმით, ამის შემდგომ იგი სოციალურ მუშაკებს დაუკავშირდა და საქმის შესწავლა სთხოვა.

“ეს ბავშვი დამიკავშირდა და დახმარება მთხოვა. არსებობს სქრინები და ჩანაწერები, რომლითაც დასტურდება, რომ ის პირველი დამიკავშირდა… ქალბატონ მირანდასთან წელიწადნახევრის წინ საჩივარია შეტანილი, როგორც სამოქალაქო კუთხით, ასევე სისხლის სამართლის 151-ე მუხლით და ამასთან დაკავშირებით მე მელოდება სასამართლო პროცესი.” – ამბობს ლეჟავა.


გოგონას საქმის შესწავლა სოციალურ მუშაკებს არ დაუწყიათ . ჯანდაცვის სამინისტროში განაცხადეს, რომ ის სოციალური მუშაკი, რომელიც საკითხზე მუშაობდა შვებულებაშია.

ვახტანგ გომელაურის უწყება კი ამ დრომდე დუმს.

ნიუპოსტი

  •  
  •  

კომენტარი

  1. ჟორიკა

    ვახტანგის დუმილი ოქროა,ოქრო…!
    და თუ კითხვები შეგაწუხებთ მიმართეთ შსს-ს მდუმარე პრესცენტრს ანუ ღმერთქალ გიორგობიანს!

  2. ანონიმური

    როდის გაუყენებთ გომელაურს კუდიგორის გზას? “პრეს–ცენტრს” ელოდებით?

  3. ანონიმური

    Იქნება აკრძალოთ ეს სატანა მგითხავების ბოგინი, ყველაზე საშიში ხალხი,ამ დასტრესილ ახალგაზრდებს კიდრვ ეგ უნდათ,გაწყდეს მკითხავების ქოქი აფერისტები!

  4. იზო ბებო

    მკითხავებს თავის ოჯახისთვის , ახლობლებისთვისვ. ვერ უშველიათ აფერისტები. არიან გაიკითხეY ქემაინც.მე ვიცნობ ერთს მისი ოჯახის წევრები უმუშევარი დარბიან ამ ქალის ნაშოვნი ნამათხოვარ-ნააფერისტალით გააქვთ თავი.ზოგი ისეთი ბოროტია …. მიცემული თანხა თუ არ მოეწონა-?! წყევლასაც მოგაყოლებს.მკითავებს ენა უჭრით ფსიიქოლოგიურად თუ დაგიმორჩილა მერე კარგაად მეყოლეთ . ლურჯ. ვეშაპს მათ შორის რატომ არ ეძებს შ შ შ..და საერთოდ რომელი საუკუნეა ხალხო….ერთი შემოლაწუნება უნდს ასეთ ხალხს

  5. ქეთევანი

    მკითხაობა სატანის სამსახურია

  6. ანონიმური

    Ragjirt bliad

კომენტარის დატოვება

თქვენი ელფოსტის მისამართი გამოქვეყნებული არ იყო.