მოსამართლეობის საკვალიფიკაციო გამოცდის პირველი ეტაპი 140 გამოსაცდელიდან მხოლოდ 20-მა გადალახა

მოსამართლეობის საკვალიფიკაციო გამოცდის პირველი ეტაპი დასრულდა. 140 გამოსაცდელიდან გამოცდა 20-მა მონაწილემ ჩააბარა. ინფორმაციას ამის შესახებ საქართველოს იუსტიციის უმაღლესი საბჭო ავრცელებს.

საბჭოს ცნობით, 75-ქულიანი ზღვარი სამოქალაქო და ადმინისტრაციული სამართლის სპეციალიზაციაში 14-მა, ხოლო სისხლის სამართლის სპეციალიზაციაში ექვსმა გამოსაცდელმა გადალახა.

„მოსამართლეობის საკვალიფიკაციო გამოცდის პირველი ეტაპი ხუთი საათის განმავლობაში მიმდინარეობდა. საგამოცდო ტესტი სამართლის შესაბამისი დარგების მიხედვით შედგენილ 100 არჩევით პასუხიან – მარტივი, საშუალო და რთული კატეგორიის, დავალებას მოიცავდა. ელექტრონულმა სისტემამ თითოეული მონაწილისთვის საგამოცდო ტესტის ინდივიდუალურად შედგენა უზრუნველყო. ტესტური გამოცდის პასუხი გამოსაცდელმა გამოცდის დასრულებისთანავე შეიტყო“, – აღნიშნულია იუსტიციის უმაღლესი საბჭოს ინფორმაციაში.

მოსამართლეობის საკვალიფიკაციო გამოცდის მეორე ეტაპი – წერითი გამოცდა 25 იანვარს ჩატარდება.

იუსტიციის საბჭოს ცნობით, წერით გამოცდამდე ტესტური გამოცდის შედეგებით უკმაყოფილო გამოსაცდელს, რომელმაც სულ ცოტა 70 ქულა დააგროვა, საშუალება აქვს, მიმართოს მოსამართლეობის საკვალიფიკაციო გამოცდის საპრეტენზიო ჯგუფს.

  •  
  •  

კომენტარი

  1. ანონიმური

    იმედი მააქვს მხოლოდ ღირსეული დაიკავებს ამ ადგილს

  2. ანონიმური

    ჩემი მხარდაჭერა ბატონ ირაკლის

კომენტარის დატოვება

თქვენი ელფოსტის მისამართი გამოქვეყნებული არ იყო.