“მზად ვართ, ვითანამშრომლოთ ამ პარლამენტთან სამუშაო ჯგუფის ფარგლებში” – დავით ბაქრაძე

ბურთი არის „ქართული ოცნების“ მხარეს და მათგან ველოდებით აზრიან შეთავაზებას, სად შეიძლება გადიოდეს შესაძლო შეთანხმება, – ამის შესახებ ჟურნალისტებს „ევროპული საქართველოს“ ერთ-ერთმა ლიდერმა დავით ბაქრაძემ განუცხადა, რომელიც საქართველოში აშშ-ის ელჩ კელი დეგნანს შეხვდა, რომელსაც  ევროკავშირის ელჩი კარლ ჰარცელიც ესწრებოდა.

„გვქონდა შინაარსობრივი დისკუსია, სად შეიძლება გადიოდეს კომპრომისის ხაზი, რომელიც ქვეყანას მისცემს საშუალებას, რომ გაყალბებული არჩევნების შემდეგ შექმნილი კრიზისიდან გამოვიდეს. ყველას კარგად გვესმის, რომ იმ უმძიმეს ვითარებაში, რომელიც საქართველოშია ეკონომიკური კრიზისისა და პანდემიის გამო, აუცილებელია, ქვეყანას ჰყავდეს ხელისუფლება, რომელსაც აქვს ხალხის ნდობის მანდატი და არა – თამარ ჟვანიას. ამ შემთხვევაში, პარტიული ინტერესი მეორეხარისხოვანი უნდა იყოს და საზოგადოებისა და ქვეყნის პოზიციიდან უნდა ამოვიდეთ. ჩვენი პოზიცია მყარია, რომ ქვეყნის ინტერესშია თავისუფალი არჩევნების ჩატარება, რომელიც გამოარკვევს, ვის აქვს ამ ქვეყანაში ნდობის მანდატი. ამ ინიციატივასთან  ერთად, ჩვენ მზად ვართ, ვიმსჯელოთ ყველა დამატებით ინიციატივაზე, რა უნდა შეიცვალოს, როგორ უნდა შეიცვალოს, მათ შორის საარჩევნო კოდექსი, კომისიის შემადგენლობა, მათ შორის სხვა კონკრეტული ფაქტორები იმისთვის, რომ მომავალი არჩევნები იყოს მართლაც თავისუფალი.

ელჩების მხრიდან ნამდვილად არის იმის სურვილი, რომ მხარეებს შორის იყოს მიღწეული შეთანხმება და ქვეყანა კრიზისიდან გამოვიდეს. ჩვენი მხრიდან მზაობა არის, რომ გზები მოიძებნოს, რათა კრიზისიდან გამოვიდეთ. შეთანხმების თემა შეიძლება იყოს, როგორ ვამთლიანებთ საზოგადოებას და როგორ ვიღებთ იმ მთავრობას, რომელსაც აქვს ხალხის მანდატი და არა თამარ ჟვანიასი.

ამ პარლამენტის არჩევის ლეგიტიმურობას ჩვენ არ ვაღიარებთ, მაგრამ როგორც პოლიტიკური კომპრომისი და ჩვენი მხრიდან ნაბიჯი, მზად ვართ, ვითანამშრომლოთ ამ პარლამენტის უმრავლესობასთან და იმ ერთადერთ პარტიასთან, რომელიც პარლამენტშია. მზად ვართ, სამუშაო ჯგუფის ფარგლებში ვითანამშრომლოთ ამ პარლამენტთან, რომ შეცვალოს კანონმდებლობა და გაზაფხულზე დაინიშნოს ახალი არჩევნები.

ჩვენი მხრიდან ეს არის კიდევ ერთი კომპრომისი. ჩვენ მზად ვართ, არა შესვლის გზით, რადგან შესვლა ნიშნავს აღიარებას და ჩვენ არ ვაღიარებთ გაყალბებულ არჩევნებს, მაგრამ გარედან სამუშაო გზით ვითანამშროლოთ ამ პარლამენტთან, რათა საარჩევნო გარემო გაუმჯობესდეს და გაზაფხულზე არჩევნები დაინიშნოს“

  •  
  •  

6 Comments

  1. სიმართლე

    არცერთი არაფრის გამკეთებლები ხართ ხ ა ლ ხ ი ს თ ვ ი ს. გეყურებათ? მხოლოდ და მხოლოდ საკუთარ თავზე და ოჯახზე ფიქრის,სკამის,თანამდებობის,მაღალი ხელფასის და თქვენი ბიზნესის ხელშეუხლებლობისაა თქვენი ამ ჭირვეულობის დევიზი.

  2. ანონიმური

    მრავლად ყრიხართ მიწვეულნი, მაგრამ ძალიან მცირენი არიან რჩეულნი… ასე რომ ჩაიგდეთ ენები, ბოდიში მოიხადეთ ქართველი ერის წინაშე, იმისათვის რაც დამართეთ და ქვეყნის დასალიერამდე გზა გქონიათ

  3. სიმართლე

    თუ პარლამენტში შესვლაზე უარს ამბობტ, უარი თქვით დაფინანსებაზე. ხალხი არა ვართ ვალდებული ვარჩინოთ მუქთა მჭამელები.

  4. ანონიმური

    ან. ვინც პარლამენტში ყრია ისინი რას აკეთებენ,გააუბედურეს ქვეყანა.

  5. ანონიმური

    დაფინანსება გინდათ და პარლამენტში შესვლა არა ?ეგ როგორ,ხალხს აღარ ეკითხებით ?არავითარი დაფინანსება ბიუჯატის ვირთხებო ,მანდატებზე უარს ამბობთ ?კეთილი ინებეთ და დაფინანსებაზეც თქვით უარი,მუქთახორა ვითომ ოპოზიცია ,ოპოზიცია კი არა წვეყნის მტრები ხართ შადიმანებო!

  6. ანონიმური

    Dafinandeba ara xui tkve nabijvrebo

კომენტარის დატოვება

თქვენი ელფოსტის მისამართი გამოქვეყნებული არ იყო.