„ივანიშვილისთვის გაცილებით მეტს ნიშნავს ზვიად გამსახურდიას სახელის უკვდავყოფა“ – გიორგი გამსახურდია

ძველ ხიბულაში ზვიად გამსახურდიას მემორიალური სახლ-მუზეუმის სარეაბილიტაციო პროცესს და ტაძრის მშენებლობის მიმდინარეობას პირველი პრეზიდენტის შვილი გიორგი გამსახურდია გაეცნო.

გიორგი გამსახურდია ხიბულაში პირველი პრეზიდენტის მემორიალური სახლ-მუზეუმისა და მიმდებარე ინფრასტრუქტურის მოწესრიგებისთვის ბიძინა ივანიშვილს მადლობას უხდის და პროექტის ეროვნულ მნიშვნელობაზე ამახვილებს ყურადღებას.

„პირველად ამ ადგილას 1999 წელს ვიყავი, ეს იყო ზამთრის პერიოდი და იავარქმნილი იყო გარშემო ყველაფერი, იმ პერიოდის შესაბამისად. მაშინდელი ხელისუფლება ამით დიდად არ იყო დაინტერესებული, შემდეგშიც ის უყურადღებობა და ჩვეული სტილი გაგრძელდა ყველანაირი ცვლილების გარეშე. ბევრი მქონდა ამ ბოლო დღეების მანძილზე ნანახი ტელევიზიების მეშვეობით და ჩემი მეგობრების მონაყოლიც ბევრი მქონდა გაგონილი აქ არსებულ მდგომარეობაზე. პირველ რიგში, ეს არის ის მამულიშვილური საქმე, რომელიც ბატონმა ბიძინამ განახორციელა. ეს პროექტი, რა თქმა უნდა, მნიშვნელოვანია რეგიონული თვალსაზრისით, მაგრამ მთავარი აქცენტი რაც მე დავინახე ბატონი ბიძინა ივანიშვილის ჩანაფიქრიდან, ეს არის, რომ მისთვის გაცილებით მეტს ნიშნავს ზვიად გამსახურდიას სახელის უკვდავყოფა. ჩვენი უახლოესი ისტორიის ერთ-ერთი, ასე ვთქვათ, „ტაძრის“ ამ ფორმით აღდგენა და მომავალი თაობებისთვის შენარჩუნება-შენახვა მნიშვნელოვანია. თავისთავად ცხადია მადლობა მას და ყველა იმ ადამიანს ვინც ამ პროცესშია ჩართული“, – განაცხადა გიორგი გამსახურდიამ.

ბიძინა ივანიშვილი სოფელ ძველ ხიბულაში გასული წლის მარტში იმყოფებოდა, სადაც დანგრევის პირას მისული ის სახლი მოინახულა, სადაც ზვიად გამსახურდიამ სიცოცხლის ბოლო დღეები გაატარა და შენობის რეაბილიტაცია ფონდ „ქართუს“ დაავალა. „ქართული ოცნების“ თავმჯდომარე მოსახლეობას ახალი საბავშვო ბაღის და ეკლესიის აშენებასაც დაჰპირდა. ბაღის მშენებლობა „ქართუმ“ უკვე დასრულდა, სამონასტრო კომპლექსის სამშენებლო სამუშაოები კი, აქტიურად მიმდინარეობს, იქვე მოეწყობა დასასვენებელი პარკი.

„საზოგადოებრივი მაუწყებელი“

  •  
  •  

კომენტარი

  1. ბათუ

    გაიხარე ოქრო ბიჭო გ ი ო რ გ ი. ღმერთმა ძმა დაგიყენოს ფეხზე და გვერდზე ჯანსაღად. ს ა მ ძ მ ა ს გისურვებთ იყოთ მჭიდრო კავშირში ერთმანეთთან, ბ-ნ ზვიადის სული მოისვენებს იქ აუცილებლად

  2. ანონიმური

    ივანიშვილს კარგის მეტი არაფერი უკეთებია ამქვეყსნითვის

  3. ანონიმური

    ივანიშვილის ამაგი ნამდვილად დასაფასებელია

  4. ანონიმური

    სახლ- მუზეუმის რეაბილიტაცია ადვილია. ზვიადის მკვლელობის საქმისა და 1991- 92 წლების მოვლენების შეფასება და გამოძიებაა მთავარი.

  5. ირაკლი

    ღმერთო დალოცე დიდი ბიძინა ივანიშვილი, დიადი ქართველი, ეროვნული ზნეობის მქონე კაცი, სახელმწიფო მოღვაწე და ქართული სახელმწიფოს გადამრჩენელი

  6. ანონიმური

    ეპითეტებში სიტყვა “წმინდანი” გამოგრჩათ

კომენტარის დატოვება

თქვენი ელფოსტის მისამართი გამოქვეყნებული არ იყო.