“თუ არ მოგვაქცევენ ყურადღებას, სხვანაირად მოვითხოვთ” – ელიავას ბაზრობის თანამშრომლები მაღაზიების გახსნას ითხოვენ

ელიავას ბაზრობის თანამშრომლებმა ბაზრობის ტერიტორიაზე აქცია გამართეს. ისინი სავაჭრო სივრცის გახსნას ითხოვენ .


ელიავას ბაზრობის თანამშრომლები ყვებიან, რომ სამთვიანი შეზღუდვის პირობებში შემოსავლის გარეშე დარჩნენ და ახლა სამუშაოს დაუყოვნებლივ გაგრძელებას ითხოვენ.

ბაზრობის თანამშრომლები ამბობენ, რომ მათი მაღაზიები ყველა საჭირო სტანდარტს აკმაყოფილებს, თუმცა ამის მიუხედავად მაღაზიების გახსნასთან დაკავშირებით ბაზრობის ადმინისტრაციიდან პასუხს ვერ იღებენ. მოთხოვნის შესრულებლობის შემთხვევაში, მოვაჭრეები მასშტაბური აქციის ჩატარებას აანონსებენ.

“მოგვცენ უფლება გავაღოთ მაღაზიები, გავაგრძელოთ ჩვეულებრივად მუშაობა. გვაქვს ბანკები, ყველას ოჯახი გვყავს. პასუხი არ ვიცით როდის და როგორ იქნება. თუ არ მოგვაქცევენ ყურადღებას, სხვანაირად მოვითხოვთ ყველაფერს”, – ამბობს ელიავას ბაზრობის ერთ-ერთი თანამშრომელი.

ცნობისთვის, ელიავას ბაზრობამ მუშაობა მას შემდეგ შეაჩერა, რაც 21 მარტს ქვეყანაში საგანგებო მდგომარეობა ამოქმედდა.

  •  
  •  

კომენტარი

  1. ანონიმური

    სძინავთ ამ ხალხს,მერიამ მაღაზიის მეპატრონეებთან ერთად ტერიტორიის რეკონსტრუქციის გეგმა უნდა გააკეთოს და დაიწყოს მშენებლობა,

  2. ანონიმური

    სძინავთ ამ ხალხს,მერიამ მაღაზიის მეპატრონეებთან ერთად ტერიტორიის რეკონსტრუქციის გეგმა უნდა გააკეთოს და დაიწყოს მშენებლობა,ნაწილს ვინც მუშაობენ ალბათ დატოვებენ და ნაწილს გადასვლა მოუწევს იმიტომ რომ ქალაქის ცენტრში ხალხი ამ სიბინძურეს არ უნდა სუნთქავდეს.ვიღაც არ უნდა იღებდეს ფულს სხვისი ჯანმრთელობის ხარჯზე.

კომენტარის დატოვება

თქვენი ელფოსტის მისამართი გამოქვეყნებული არ იყო.