„გაბუნიას მკვლელობის ჩავარდნის შემდეგ აქვთ გეგმა „ბე“! მუშაობენ ახალ პროვოკაციაზე“

„ალიას“ ესაუბრება სამოქალაქო აქტივისტი, ლაშა ამირეჯიბი.

–  ლაშა,  ჟურნალისტ გიორგი გახარიას მკვლელობის აღკვეთილი მცდელობის შესახებ რას იტყვი?

– მე ვფიქრობ, რომ ეგ ამბავი იყო მიშა სააკაშვილისა და მაგისი  ბიძის, თემურ ალასანიას დაგეგმილი იმთავითვე. ვლადიმერ პუტინს რომ აგინა გიორგი გაბუნიამ, ეგ იყო პროვოკაცია, რომელზედაც  წამოაგეს გაბუნია იდიოტი და ვერ მიხვდა. ცხადია, ნიკა გვარამიაც საქმის კურსში იყო და ეს დასტურდება სააკაშვილისა და ადეიშვილის სატელეფონო ჩანაწერით.  გაბუნია თავიდანვე შეარჩიეს მსხვერპლად. ეგ უნდა მოეკლათ ამ საპროტესტო აქციებისას, ახლა რომ დაიწყო. შესაძლოა, სიტყვით გამოსვლისას. მეტი ეფექტი ექნებოდა.  მერე ეს დაბრალდებოდა ხელისუფლებას და აგორდებოდა საპროტესტო ტალღა, რომელიც, მიშას და ალასანიას გეგმით, ხელისუფლების დამხობით უნდა დასრულებულიყო. რაც ვნახე და მოვისმინე, იქიდან სხვა ვარაუდს ვერ გავაკეთებ. ადეიშვილისა და სააკაშვილის ლაპარაკს რომ დააკვირდე, იქაც კარგად ჩანს, რომ იცოდა ორივემ ამის შესახებ. აქ ნახე, რა წრე იკვრება. 13 ამერიკელი კონგრესმენი წერს, რომ ბიძინა ივანიშვილი რუსეთის, პუტინის მოკავშირე და დესტაბილიზაციის წყაროა.  ამ კონგრესმენების ეს  განცხადება, „ნაცების“ შემდგომი ქმედების „გასაპრავებლად“  გაკეთდა, ასე  მგონია. ეს კონგრესმენები მიშას და ბოკერიას მოსყიდულები არიან. შეიძლება ყველანი არა, მაგრამ ბევრნი.  ამის მერე გამოდის შალვა ნათელაშვილი და ამბობს, საქართველო–რუსეთის საოკუპაციო საზღვართან  რუსეთის სამხედრო დაზვერვის, გრუ–ს ჯგუფები დგას, რაღაც მომენტში ეს ჯგუფები დაიძვრებიან, არეულობა დაიწყება და ეს გრუ–ს ჯგუფები შემოვლენო. გაბუნიას მკვლელობის მცდელობის კვალი ჩეჩნებთან და  კადიროვთან მიდის. კადიროვს ისეთი სპეცსამსხურები ჰყავს ჩეჩნეთში, მართლა არ გაუჭირდება გაბუნიას მოკვლა, თუ მართლა მოინდომა. ეს ხალხმა დაიჯერა. რუსეთის სპეცსამსახურებმა კიდევ, კრემლის კედელთან მოკლეს ნემცოვი, ინგლისში მოკლეს ლიტვინენკო, სკრიპალები. ლიტვინენკოს დიდ ბრიტანეთში პოლიტიკური თავშესაფარი ჰქონდა, სკრიპალები მთლად ამ ქვეყნის მოქალაქეები იყვნენ. ახლა, სადაც ეს და სხვა ადამიანები დახოცეს,ესენი შერჩათ, რუსეთს გაუჭირდებოდა გაბუნიას მოშორება? ცხადია, არა და კვალი წავიდოდა რუსეთისკენ. მოკლედ, ყველაფერი დაბრალდებოდათ რუსეთსა და ჩვენს ხელისუფლებას, გასაღდებოდა, როგორც მათი ერთობლივი გეგმა. გაბუნიას მკვლელობა და არეულობა  დაბრალდებოდათ ხელისუფლებას, ბიძინა ივანიშვილს, რომელთაც ყველაზე ნაკლებად აწყობთ ეს.

– გასაგებია. სააკაშვილს და მის ჯგუფს, გიორგი გაბუნიას მკვლელობით,  არეულობის მოწყობა უნდოდათ, არეულობის პროვოცირება დაბრალდებოდათ  რუსეთს და ხელისუფლებას და დაამხობდნენ ხელისუფლებას. ეს გეგმა ჩაიშალა და აქცია გრძელდება რუსთაველზე. მაშ, რაღაში სჭირდებათ აქცია?

– ამათ აქვთ გეგმა „ბ“, როგორც მე  მითხრეს. მუშაობენ ახალ პროვოკაციაზე. შესაძლებელია, ჯავახეთში  აურიონ სიტუაცია. ახალქალაქში მოკლან ადგილობრივი სომეხი, ოპოზიციონერი. დააბრალონ ხელისუფლებას და იქაც ატყდება დიდი ამბავი. მერე ახალქალაქში და მთლიანად, ჯავახეთში  გამოვიდოდნენ სომხები, იქნებოდა სეპარატისტული მოთხოვნები, ცხადია, მოითხოვდნენ ხელისუფლების გადადგომას და უმართავი პროცესები დაიწყებოდა. „ნაცმოძრაობა“, გაერთიანებული ოპოზიცია ამ არჩევნებს წააგებენ, ეს იციან კარგად. ხელისუფლებაში ეგენი არჩევნების გზით ვერ  მოვლენ. გადახედე სოციალურ ქსელს. ხალხის 90% დედის რძეს აგინებს შალვა ნათელაშვილსაც და ვინც მაგის მაგიდასთან სხედან, ყველას. ან ამ აქციამ არ აჩვენა, რა რაოდენობის მხარდამჭერები ჰყავთ? პროვოკაციისა  და   არეულობის   გარდა, სხვა გზა აღარ დარჩათ ხელისუფლების მოსასვლელად.

– ცოტა ძნელი დასაჯერებელია, რომ ფსბ–მ დაგეგმა და ვერ შეასრულეს ეს გეგმა.

– რა დასაჯერებელია მერე? კადიროვის სიტყვები გაიხსენე. მე თუ ბრძანებას გავცემ, ის აუცილებლად სრულდებაო. გითხარი,  ვიცი კადიროვს რა დონის სპეცსამსახურები ჰყავს და ეგენი თუ ვინმეს მიზანში ამოიღებენ,  აუცილებლად მოკლავენ, ვინც არ უნდა იყოს. აქ ერთი ამბავიც გაიხსენე. უკრაინულმა მედიამ გაავრცელა ინფორმაცია, რომ სააკაშვილი გაბუნიას „ნაცმოძრაობის“ საარჩევნო სიაში ჩასმას უპირებდა. ეს არის, ერთი შეხედვით,  ალოგიკური და წამგებიანი გადაწყვეტილება მიშასთვის, „ნაცებისთვის“.  ჟურნალისტი გაბუნია ხუთიანზე ასრულებს  მიშას  ყველა დავალებას. პოლიტიკოსად გამოდგება თუ არა, კაცმა არ იცის. მაშ რატომ უნდა ჩაესვათ სიაში გაბუნია? აი, მიშას ლოგიკას მივადექით. გაბუნიას ჩასვამდნენ სიაში, მოკლავდნენ უკვე მოქმედ პოლიტიკოსს, ეს უფრო მეტ რეზონანსს შესძენდა ამ საქმეს საერთაშორისო მედიაში, იქაურ პოლიტიკურ  წრეებში,  ზოგადად, უცხოეთში. ყოფილ ჟურნალისტსა და ახლა უკვე  პოლიტიკურ ოპონენტს კლავს ხელისუფლება. ჟურნალისტის მკვლელობა უბედურებაა, პოლიტიკოსის მკვლელობაც უბედურებაა და ერთად, უფრო დიდი უბედურება გამოვიდოდა. შესაბამისად, ხელისუფლება კიდევ უფრო შავ დღეში აღმოჩნდებოდა. მიშას ეს უნდოდა მომხდარიყო  და არა  გაბუნიას  გადეპუტატება.

ლევან ჯავახიშვილი, ალია, №21

  •  
  •  

კომენტარი

  1. ანონიმური

    ყველაფერზე წამსვლელები არიან ეგენი აბსოლიტურად

  2. ანონიმური

    დარწმუნებუილი ვარ მაგათ შეთითხნილი ამბავი იქნება

  3. ანონიმური

    თუ მასეა უნდა დამტკიცდეს.მარა ამათ არაფერი შეუძლიათ.გადასულები არიან ფულის კეთებაზე და თუ ვინმე რამეს ამბობს ყველას ნაციონალს ეძახიან.ადამიანი რომელიც 2012 ში იყო სოციალურად დაუცველი და მის მერე საჯარო სამსახურში მუშაობდა მხოლოდ და დღეს მილიონერია.ე.ი. ხელისუფლება ანძრევს ან ასეთები სჭირდება.ნებისმიერ სიტუაციაში ასეთები უნდა შეიცვალნონ

კომენტარის დატოვება

თქვენი ელფოსტის მისამართი გამოქვეყნებული არ იყო.