ბოდიშს ვუხდით მაყურებელს და გადაცემის სტუმრებს – “რუსთავი 2”-ის დირექტორი

რუსთავი 2-ის აღმასრულებელი დირექტორი, ირაკლი იმნაიშვილი, სოციალურ ქსელში, განცხადებას ავრცელებს, წუხანდელ ეთერთან დაკავშირებით. შეგახსენებთ, გუშინ არხის ეთერში, ერთმანეთს დაუპირისპირდნენ ალეკო ელისაშვილი და მამუკა ხაზარაძე. მოგვიანებით, ნიკა გვარამია გამოეხმაურე “რუსთავი2”-ის ამ ეთერს და თქვა, რომ “ყველა ასეთი გადაცემა, ჩემი მოკრძალებული აზრით, ივანიშვილის საქმეს აკეთებს.”

ირაკლი იმნაიშვილი:

რუსთავი 2-სთვის განსაკუთრებულად მნიშვნელოვანი ამოცანაა განსხვავებული პოზიციების წარმოჩენა და დიალოგის პლატფორმის შექმნა.

ვწუხვართ, რომ ბატონ მამუკა ხაზარაძეს შეექმნა შთაბეჭდილება, თითქოს, ”ღამის კურიერის” 19 იანვრის ეთერში მომხდარი ინცინდენტი იყო წინასწარ დაგეგმილი.

ჩვენმა მაყურებელმა იცის, რომ “ღამის კურიერის” მთავარი სარედაქციო ფასეულობაა ურთიერთპატივისცემა. გადაცემის მიზანი არ ყოფილა სანახაობის დადგმა ან პოლიტიკოსების ხელოვნური დაპირისპირება.

თუმცა, გადაცემის ფორმატი დაირღვა და პირდაპირ ეთერში სიტუაციის დეესკალაცია ვერ მოხერხდა. რუსთავი 2-მა ვერ უზრუნველყო სტუმრებისათვის კონსტრუქციული გარემოს შექმნა.

ჩვენს მაყურებელს და გადაცემის სტუმრებს ვუხდით ბოდიშს.

19 იანვრის სამწუხარო ინციდენტის გამოყენება რუსთავი 2-ის წინააღმდეგ მიზანმიმართული კამპანიის ნაწილია იმ ჯგუფის მხრიდან, ვინც 26 წლიანი ისტორიის მქონე ტელეკომპანიის ეთერიდან გათიშვა ერთხელ უკვე სცადა. რუსთავი 2-ის ისტორია, არის საქართველოს უახლესი ისტორიის სარკე.

სამწუხაროდ იყო პერიოდი, როცა ტელეკომპანია ღიად ატარებდა პოლიტიკური ჯგუფის ინტერესებს. ამ ჯგუფის მხიდან ტელეკომპანიაზე კონტროლის დაკარგვის შემდეგ ისინი ცდილობენ გააქრონ რუსთავი 2 და ცილი დასწამონ აქ მომუშავე ადამიანებს.

ჩვენი სარედაქციო ამოცანაა, ვიყოთ პლატფორმა ყველა მხარისთვის, მივცეთ მათ აზრის გამოხატვის შესაძლებლობა და ყველა პოლიტიკურ ძალას გავუწიოთ ოპონირება.

პოლიტიკური კრიზისის დაწყებიდან ჩვენ ვცდილობთ გავწიოთ ფასილიტაცია, რომ პრობლემა დიალოგის გზით მოგვარდეს. ეს აღნიშნულია ევროკავშირისა და ‘გაეროს განვითარების ფონდის’ მიერ დაკვეთილი მედიამონიტორინგის კვლევაშიც.

ჩვენ ყველაფერს გავაკეთებთ, რომ შევინარჩუნოთ დიალოგის პლატფორმა, რომელიც მაყურებელს საშუალებას აძლევს მოუსმინოს ყველა პოლიტიკურ ძალას და ინფორმირებული არჩევანი გააკეთოს.

ირაკლი იმნაიშვილი

სამაუწყებლო კომპანია რუსთავი 2-ის აღმასრულებელი დირექტორი”

  •  
  •  

4 Comments

  1. ანონიმური

    რას ბოდავ იმნაიშვილი😂მაგის სანახავად გადართო ხალხმა რუსთავი 2 ზე და შენ ბოდიშს იხდი?! ვერა ხარ აი მედიაში გარკვეული?!!

  2. ანონიმური

    ამ კაცმა გაასწრო მელაძეს, მანჭვა გრეხვაში .

  3. კეკლუცა!

    რა თქმა უნდა დაგეგმილი იყო! მშვენივრად იცით, რომ სხვანაირად რუსთავი -2-ს აღარავინ უყურებს!

  4. ანონიმური

    მოგიტყანთ რუსთავი 2და იმედი

კომენტარის დატოვება

თქვენი ელფოსტის მისამართი გამოქვეყნებული არ იყო.