09 ნოე 2018 19:38 621

„ქართული მარში“ სახალხო დამცველის გადაყენებას მოითხოვს და საპროტესტო აქციებით იმუქრება

 

„ქართული მარშის“ ლიდერი სანდრო ბრეგაძე სოციალური ქსელის პირად გვერდზე წერს:

 

„ოცნების დანიშნულმა სახალხო დამცველმა ლომჯარიამ ვიცე-სპიკერ ჩუგოშვილთან ერთად, საკონსტიტუციო სასამართლოს მიმართეს, რათა უცხოელებს (ირანელებს, არაბებს, აფრიკელებს და ა.შ) დაუბრუნდეთ უფლება იყიდონ და დაისაკუთრონ ქართული მიწა და გაუქმდეს „ქართული მარშის“ ბრძოლის შედეგად კონსტიტუციაში შესული აკრძალვა.

ოცნება !!! თქვენ ან არჩევნების წაგება და ნაცებისთვის ხელისუფლების გადაბარება გინდათ და ან თქვენს რიგებში სოროსელების ღალატია.

რას ქვია და როგორ ბედავს თქვენი დანიშნული ლომჯარია ამ მოღალატეობრივი აქტის განხორციელებას ??? ქართული ოცნება-სასწრაფო წესით გადააყენეთ ლომჯარია, გამოიტანეთ სარჩელი საკონსტიტუციო სასამართლოდან, წინააღმდეგ შემთხვევაში "ქართული მიწის დაცვის ჯგუფი","ქართული მარში","ქართული მისია","ეროვნულები" და სხვა პატრიოტული ორგანიზაციები დავიწყებთ აქციებს სახალხო დამცველის პოსტიდან ლომჯარიას და ვიცე-სპიკერის პოსტიდან ჩუგოშვილის გადაყენების მოთხოვნით !!! ქართულ მიწას არ გაგაყიდინებთ !!! ამას ვერ ეღირსებით !!!“ - წერს სანდრო ბრეგაძე.