12 ივლ 2018 17:42 180

დღეიდან Myvideo.ge-ს ფეხბურთში მსოფლიო ჩემპიონატის მატჩების ტრანსლირება აეკრძალა

აეკრძალოს სსაი თი დი სი“- (Myvideo.ge) თავის ვებპლატფორმაზე ფეხბურთში მსოფლიო ჩემპიონატის მატჩების ტრანსლაცია, – ასეთია თბილისის საქალაქო სასამართლოს სამოქალაქო საქმეთა კოლეგიის მოსამართლის გადაწყვეტილება.

განჩინება დაუყოვნებლივ უნდა აღსრულდეს. შესაბამისად, დღეიდან პორტალ Myvideo.ge- მსოფლიო ჩემპიონატის მატჩების ტრანსლირება ეკრძალება.

სასამართლოს საზოგადოებრივმა მაუწყებელმა მიმართა, რასაც წინ უძღოდა განხილვები კომუნიკაციების ეროვნულ კომისიაში. მარეგულირებელმა კომისიამ Myvideo.ge ჯერ წერილობით გააფრთხილა, შემდეგ კი საზოგადოებრივი მაუწყებლის უფლებების დარღვევისთვის, კერძოდ, ფეხბურთში მსოფლიო ჩემპიონატის მატჩების არამართლზომიერი ჩვენებისთვის 3 000 ლარით დააჯარიმა.  ამის მიუხედავად, Myvideo.ge-ზე მატჩების ტრანსლირება გრძელდებოდა.

როგორც ცნობილია, საქართველოს კომუნიკაციების ეროვნულმა კომისიამ მიიღო ორი გადაწყვეტილება, რომლითაც აუკრძალა Myvideo.ge- მფლობელ კომპანიას მაუწყებლის არხების ტრანზიტი. ამის მიუხედავად, ნებართვის გარეშე, პირატულად გრძელდებოდა არხის ტრანზიტი და, შესაბამისად, მსოფლიო ჩემპიონატის მატჩების ჩვენება. აქედან გამომდინარე, საზოგადოებრივი მაუწყებელი იძულებული გახდა, მიემართა სასამართლოსთვის და სასამართლოს მეშვეობით მოეთხოვა აღნიშნული კომპანიის შესაბამისი განჩინების მიღება. 2018 წლის 12 ივლისს სასამართლომ მიიღო განჩინება, რომელიც დაუყოვნებლივ უნდა აღსრულდეს. კომპანია სსაი თი დი სის“ აეკრძალა 2018 წლის მსოფლიო ჩემპიონატის მატჩების ტრანსლაცია თავის ვებგვერდზე, ვებპლატფორმაზე“, – განაცხადა პირველი არხის იურისტმა დიმიტრი ბერძენიშვილმა.

marshalpress.ge